Wir^a) Cůn von gottes gnaden abt des gotzhus ze sant Gallen¹, dz a^vn alles mittel zůgeho^ert dem stůl ze Ro^vm, verie||hent vnd tůnd kund mit disem brief, das fúr v´ns kam ze Wil² in vnser statt an dem tag, als dirre brief geben ist, || der from vest ritter herr Růdolf von Rosenberg von Zukkenriet³ vnser vnd vnsers gotzhus getrúwer dienstman vnd || offnot vor v´ns vnd sprach, wie das Hainrich Giel⁴ vnd Werli Giel⁵ sin vetter och vnsers gotzhus dienstlút die vogtye v´ber den hof ze Haswil⁶ mit gerihten twingen vnd ba^ennen vnd mit allen zůgeho^erden vnd ze gelicher wis vnd och in^b) allem dem rehten, als och si die selben vogtye inne gehebt vnd genossen hettin, die selb vogtye von v´ns vnd vnserm vorgenanten gotzhus iro reht lehen wa^eri, hettin verko^vfft vnd aines ewigen iemer werenden vnwiderrůffenden ko^vffes ze ko^vffenn geben den beschaidenn Eberharten vnd Hainrich Walthern Eberhartz sa^eligen von Ramswag⁷ elichen súnen o^vch vnsers gotzhus dienstmannen vnd iren erben, vnd won die selb Gieln von redlicher no^vt wegen fúr vns nit komen mo^ehtin ze disen ziten, so hettint sú die selben vogtye v´ns bi im vff gesendt an vnser hand, vnd batt v´ns och do der selb herr Růdolf von Rosenberg von Zukkenriet ritter, das wir die selb vogtye mit allen rehten vnd zůgeho^erden in namen vnd an statt der selben Hainrichs vnd Werlis der Gieln von im vff na^emint an vnser hand vnd die vorgenant vogtye lihint vnd si bi im vff sandtint den vorgenanten Eberharten vnd Hainrich Walthern Eberhartz von Ramswag sa^eligen elichen súnen ze rehtem lehen. Darvmb erhorton wir do sin ernstlichen bett vnd nament die vorgenant vogtye mit allen rehten nútzen vnd gewonhaiten vnd mit aller zůgeho^erd von dem vorgenanten herr Růdolfen von Rosenberg von Zukkenriet in namen vnd an statt der vorgedahten Hainrich vnd Werlis der Giel vff an vnser hand vnd lihent vnd sandtant die vorgeschribnen vogtye mit aller zůgeho^erde bi dem egenanten herr Růdolfen von Rosenberg von Zukkenriet ritter vff an den vorgenanten Eberharten vnd Hainrich Walthern Eberhartz sa^eligen von Ramswag elichen sún ze vnd ze^c) irn handen ze rehtem lehen vnd lihen vnd sendent in si och vff mit vrkúnd dis brieues, vnd enzeh sich och do der selb herr Růdolf in namen vnd an statt vnd von der vorgenanten Hainrichs vnd Werli der Giel vnd ir erben wegen offenlich vor v´ns aller aigenschafft aller lehenschafft aller besatzzung aller zúgnúst aller kuntschafft lút vnd brief, so si ietz hettin oder si ald ir erben hienah in kúnftigen ziten gewinnen mo^ehtin, aller reht vnd rehtung alles gaistlichen vnd weltlichen rehtes aller vordrung vnd ansprach, so si an der vnd zů der vorgeschribnen vogtye gehebt ha^vnt oder noch gewinnen mo^ehtin in dehain wis, der selb herr Růdolf lobt o^vch do in namen vnd an statt der vorgenanten Hainrich vnd Werlis der Giel vnd ir erben, dz si der vogtye vnd des ko^vffs reht wern so^eltin sin nah dem rehten vnd die egenanten Eberharten vnd Hainrich Walthern darvmb ze versprechen an iren schaden gen aller ma^engkliche(n) an gaistlichem vnd weltlichem geriht, wenn wa vnd wie dik sin des die vorgenanten Eberhart vnd Hainrich Walther vnd ir erben des bedurfent vnd notdurftig sint, a^vn iren schaden. Vnd ist diz beschehen vnd redlich vollfu^ert nah vnsers gotzhus gewonhait vnd reht vnd als es krafft vnd maht haben sol ietz vnd hienah. Vnd des hierv´ber ze offnem vnd warem vrkunde haben wir abt Cůn da obgenant vnser insigel offenlich gehenkt an disen brief. Wir die vorgeda^vhten Hainrich vnd Werli die Giel geuettern des vorgedahten^d) gotzhus dienstlút veriehen offenlich an disem vnd mit disem brieue fúr vns vnd alle vnser erben, das alles das war ist, das der erwirdig vnser gna^ediger herren^c) Cůn von gottes gnaden abt des gotzhus ze sant Gallen von des vesten fromen herr Růdolfs von Rosenberg von Zukkenriet ritters an disem brief von der obgeschribnen vogtye vnd von vnsern wegen veriehen vnd verschrib^c) ha^vt, vnd das dis alles, so an disem brief verschriben sta^vt, von vns vnd vnsern erben war sta^et vnd vnwandelber belib ietz vnd hie nah, so habent wir ze merer sicherhait alles des, so^e) der selb von Rosenberg von vnsern wegen veriehen vff geben vnd von der vogtye wegen geta^vn hat, vnsri aignen insigel offenlich gehenkt an disen brief. Der geben ist ||
an dem na^ehsten zinstag nah dem hailgen tag ze ostran in dem jar, do man zalt von Cristi gebúrt drúzehenhundert ahtzig vnd aht jar.

Source Fulltext: Chartularium Sangallense X, Nr. 6257, S. 491-492.