Vicarius reverendi in Christo patris domini Hainr. episcopi Const(anciensis)¹ in spiritualibus generalis dilectis in Christo decano et camerario decanatus || ruralis apud sanctum Gallum necnon rectori ecclesie sancti Magni² extra rnuros opidi sancti Galli singulisque prebendariis || cappellanis et altaristis ecclesiarurn et cappellarurn infra muros et extra muros dicti opidi sancti Galli constitutis aliisque || presbiteris et clericis, ad quos presentes pervenerint, salutem in domino. Exposuit nobis procurator venerabilis et religiosi in Christo domini Georii abbatis monasterii sancti Galli³, quod Johannes dictus Burgower vicarius perpetuus parrochialis ecclesie sancti Laurencii⁴ site iuxta ipsum monasterium sancti Galli olim de patronatu abbatis monasterii sancti Galli existentis nunc vero mense abbaciali abbatis dicti monasterii sancti Galli incorporate et unite pridern sentencia excommunicacionis innodatus per honorabilem et religiosum abbatem monasterii Scotorum extra muros Const(ancienses)⁵ iudicem et conservatorem iurium et privilegiorum venerabilis et religiosi in Christo abbatis et conventus monasterii sancti Galli predicti ac eciam excommunicatus publice denunciatus in huiusmodi excommunicacionis sentencia publice in dicta ecclesia sancti Laurencii divina habuerit et celebraverit, propter quod irregularitatem incurrisset, quodque prefatus Johannes Burgower huiusmodi irregularitati^a) non obstante divina officia in dicta ecclesia sancti Laurencii celebrare seu potius prophanare non formidet ac continuo prophanet. Cum autem dicta ecclesia sancti Laurencii et eius subditi ipsi domino abbati et eins monasterio sint subiecti, ita quod prefatus dominus abbas de salute animarum subditorum dicte ecclesie sancti Laurencii prospicere et providere habeat et teneatur, petiit a nobis procurator predictus nomine quo supra, quatenus ipsi Joh. Burgower inhiberemus, ne ulterius in ipsa ecclesia sancti Laurencii divina celebret seu pocius prophanet subditisque eisdem ecclesie sancti Laurencii ecclesiastica sacramenta ministraret, antequam super irregularitate predicta per sedem apostolicam legitime dispensarit. Nos igitur attendentes peticionem predictam consonam fore iuri, quodque eciam ex officio nobis per prefatum dominum episcopum commisso huiusmodi periculo animarum providere et obviare tenemur, idcirco vobis et cuilibet vestrum, qui presentibus fuerit requisitus, in virtute sancte obediencie et sub pena excommunicacionis late sentencie presentibus in rebellem canonica cum monicione trium dierum premissa mandamus, quatenus, si premissis veritas suffragaretur^b), prefato Johanni Burgower inhibeatis, cui et nos presentibus sub pena excommunicacionis late sentencie in personam suam, si huiusmodi nostre inhibicioni non paruerit, canonica tum monicione trium dierum premissa inhibemus, ne decetero divina officia celebrare aut se divinis ingerere presumat, antequam super huiusmodi irregularitate legitime dispensaverit vel coram nobis de huiusmodi irregularitate se legitime expurgaverit, alioquin contra ipsum per graviores sentencias, prout iustum fuerit, procul dubio procedemus, inhibentes etiam omnibus subditis et parrochianis dicte ecclesie sancti Laurencii sub pena excommunicacionis, ne quis ab ipso Johanne Burgower ante dispensacionem super dicta irregularitate a sede apostolica impetratram vel saltim ante legitimam expurgacionem coram nobis cum cognicione cause factam divina audiat vel ab eo aliqua recipiat ecclesiastica sacramenta, alioquin contra secus facientes, prout de salute animarum ipsorum fuerit, procul dubio procedemus. Et in signum executi mandati sigilla vestra sub pena predicta presentibus apponatis. Dat. Const(ancie) anno domini millesimo CCC°LXX° octavo, VIII° kln. septembr. indictione prima.

Source Fulltext: Chartularium Sangallense IX, Nr. 5660, S. 335-336.