Wir Georigg von gottes gnadan apt des gotzhus ze sant Gallen¹, das an alles mittel zů geho^ert || dem stůl ze Rom, verjenhen vnd tu^egin kunt allen den, die disen brief ansenhent oder ho^erent || lesen, das fúr v´ns kam A^ell von Kislegk² Hansen des Ammans tohter vnd Elsi ir Schwester || vnd ba^vtten v´ns, daz wir in lúhin den zenhenden ze Zell³ in dem dorf, der ir vatter wasz, der von v´ns vnd v´nserm gotzhus reht lehen ist. Vnd von bett wegen der vorgenanten Elsen vnd Allen Haintzen des Ammans tohtran so haben wir in gelúhen den vorgenanten zenhenden, waz wir in von rehtes wegen lihen súllen. Vnd des zů ainem offen vrkúnd so henken wir v´nser aigen insigel an disen brief. Der geben ist ze sant Gallen in der statt in dem ja^vr, do man zalt von Cristus gebúrt drúzenhen hundert^a) ja^vr vnd a^vht vnd súbentzig ja^vr, an dem na^ehsten sunnentag vor des hailgen crútz tag, alz es erho^eht ward.

Source Fulltext: Chartularium Sangallense IX, Nr. 5662, S. 338.