Wir^a) graf Donat von Tokkenburg¹ graf ze Brettengo^e2 vnd ze Thafaus³ tůnt kunt vnd veriehent offenlich mit vrkund diss briefs allen den, die || in an sehent lesent oder ho^errent lesen, dz wir mit gůter vorbetrahtung vnd beschaidenhait fúr vns vnd vnser erben durch gottes willen || v^f geben vnd geaigent habint Margreten Cůnzin von Brunadran⁴ Walthers Priols elicher wirtin, die selben Margreten wilunt Wezzel vnd || Andres die Enzenswiller von sant Gallen von v´ns ze lehen hatten, vnd won sú die selben Margreten an vnser hant^b) v^f hant geben vnd wider ze vnsern handen braht, so hant wir an gesehen dz wort, das Paulus in der epistul spricht: Wer sin gůt git durch gottes willen, dar vmb das sin nam geho^eht werde, dz sye die obrost tugent, vnd habint die selben Margreten mit vrkúnd diss briefs geben vnd geaigent den erwirdigen gaistlichen in gott dem abt vnd dem couent des gozhuss ze sant Johann⁵ sant Benedicten ordens in Thurtal gelegen in Costenzer bystům, vnd won wir die obgenanden frowen dem selben gozhus in geben vnd geaigent habint, als reht sitt vnd gewonlich ist, so verzihent wir vns fúr vns vnd vnser nachkomen aller aigenschaft manschaft lenschaft besazzung zúgnust gewêr lút vnd brief aller vordrung vnd ansprach alles rehten gaistlichs vnd weltlichs gerihtes, so wir vnser erben nû ald hienach mo^ehtint haben ze der obgenanden Margreten, vnd ist dis alles reht vnd redlich beschehen vnd vollefu^ert, als es nû vnd hienach kraft vnd maht sol vnd mag haben. Vnd des ze warem vnd offem vrkúnd vnd ze merer sicherhait aller vorgescribner ding vnd geding hant wir graf Donat von Tokkenburg da vorgenant vnser insigel offenlich gehenket an disen brief. Der geben ist ze Liehtenstaig⁶ in vnser statt an sant Georien abent des haylgen martires in dem iar, do man zalt von Cristus gebúrt drúzehenhundert iar, sybenzig iar, dar nach in dem ahtoden iare.

Source Fulltext: Chartularium Sangallense IX, Nr. 5642, S. 319.