Allen, die disen brief sehent oder ho^eret^a) lesen, kund ich herr Johans der druhseze von Dyessenhouen¹ vnd^b) uergih || offenlichen, daz ich mich enzigen han vnd uerzih mich o^vch an disem brieue allez dez der erwirdige herre || abbet Heinr. von sant Gallen² enphie von sturen in dem ambte ze sant Gallen, daz ein rieh an ho^eret, II do ich ze sant Gallen phleger waz von miner herron .. der herzogon von O^esterrich wegen, die wile daz rieh an kunig waz, vnd sag in vnd daz gotzhus ze sant Gallen har vmbe von mir ledig. Vnd ze einer steti vnd warem urkunde aller der dinge, so har an gescriben stat, so han ich gehenchet min ingesigel an disen selben brief. Dierre brief wart geben ze Dyessenhouen, do man zalte von gottez geburt druzehenhundert iare, dar nach in dem phunfzehendem iare, an den^a) nohstem fritage nach sant Johans tult ze sunwenden.

Source Fulltext: Chartularium Sangallense V, Nr. 2933, S. 283.