Omnibus presentes litteras inspecturis Hanricus dei gratia abbas¹ totusque conventus monasterii sancti Galli ordinis sancti Benedicti Constantiensis dyocesis subscriptorum noticiam cum salute. Ut ea, que pro monasteriorum, || ecclesiarum et personarum ecclesiasticarum utilitatibus fiunt provide et aguntur, sub firmitate invioalabili^a) perseverent, scripturarum indiciis irrefragabili et perpetue debent memorie commendari. Cum itaque nos nostrumque monasterium || oppressi essemus gravi onere debitorum et ab eisdem non possemus nisi per vendicionem aut obligacionem bonorum ac iurium corporalium nostri monasterii aliquatenus liberari, nos receptis ab honorabili viro domino Craftone de Toggenburg || preposito Thuricensi et canonico ecclesie Constantiensis² centum quadraginta marcis argenti puri et legalis ponderis Constantiensis et in utilitatem nostri monasterii evidentem, videlicet in oneracionem^b) debitorum gravium eiusdem, quibus in obstagiis et usuris dampna gravia et intollerabilia accreverunt, evidenter conversis, prout scriptis presentibus recognoscimus et publice confitemur, volentes easdem recognicionem et confessionem eum habere vigorem eamque vim obtinere, ac si in iure facte forent coram iudice conpetenti, iura patronatus ecclesiarum in Kilchperg³, in Watwilr⁴ et in Svmbri⁵ predicte Constantiensis dyocesis nobis nostroque^c) monasterio pertinencia ab antiquo cum suis pertinenciis et iuribus universis in ipsum deliberacione^d) prehabita diligenti et tractatu sollempni premisso, qui circa talia negocia habendus est et premittendus iuxta sacrorum canonum instituta, scriptis presentibus pleno iure titulo transferimus obligacionis, ita ut quandocumque ad vacacionem ipsarum ecclesiarum vel alicuius ex ipsis obtulerit se facultas ipsasve contigerit vacare ex morte, cessione vel eciam renuntiacione, idem dominus Crafto de Toggenburg suive heredes aut hu, in quos obligacionem dictorum iurium patronatus transtulerit donacionis, legati ac quocumque alio titulo vel eciam pro remedio anime sue, ad easdem ecclesias et singulas ex eisdem clericum aut clericos loci ordinario vicario ac vicariis eius possint ac debeant presentare sine cuiusvis contradiccionis obice et inpedimenti, data per nos libera facultate eidem domino Craftoni de Toggenburg iura patronatus ecclesiarum memoratarum cum omnibus suis pertinenciis et iuribus suis heredibus relinquendi eo iure, quo, ut premissum est, sibi fore dinoscuntur obligata, vel legati aut alio quocumque titulo seu pro remedio anime sue in alium vel in alios, loca pia, ecclesias et monasteria transferendi, prout maluerit, sine quolibet inpedimento, premissis omnibus et||
singulis tam diu in suo robore permanentibus et duraturis, quousque per nos vel nostros successores prefato domino Craftoni de Toggenburg suisve heredibus aut hiis, quibus dicta iura patronatus deputaverit aut legaverit pro remedio anime sue, prout maluerit, de prefatis centum quadraginta marcis argenti puri et legalis ponderis Constantiensis integraliter et conplete fuerit satisfactum, adhibitis per nos in omnibus et singulis supra dictis verborum ac gestium^a) sollempnitatibus debitis et consuetis. Et ut ea, que premissa sunt, aut quodlibet eorundem sub perpetuo et inviolabili||
robore perseverent, renunciamus circa ipsa et quodlibet eorundem pro nobis nostrisque successoribus nostroque monasterio realiter et in perpetuum beneficio restitucionis in integrum principaliter vel eciam incidenter, literis a sede apostolica vel aliunde inpetratis seu eciam inpetrandis, defensioni non adhibite sollempnitatis, omni iuris auxilio tam canonici quam civilis, auxilio consuetudinis generalis vel eciam particularis, omnibus constitucionibus et statutis tam editis quam edendis et generaliter omni suffragio tam in specie quam in genere, quo median te ea, que premissa sunt, vel ipsorum quodcumque ullo unquam possent tempore violari. Et in videnciam^e) ac firmitatem perpetuam singulorum et omnium premissorum ego vero Crafto comes de Toggenburg supradictus sigillum meum appendo proprium ad confirmadum^a) omnia||
supradicta. Datum et actum in monasterio nostro predicto anno domini millesimo tricentesimo quintodecimo, VIII. kl. iulii, indic. XIII^a.

Source Fulltext: Chartularium Sangallense V, Nr. 2931, S. 281-282.