Allen dien, die disen gegenwrtigen brief jemer^d) angesehent alder ho^erent lesen, kunden wir her Hainrich ritter, her Lutolt II ritter vnd^e) Hainrich der jung von Griesinberg¹, das wir vns alle drie vnverschaidinlichen gebunden haben fur vns II selben vnd fvr vnser erben dem^f) êr wirdigen vnserm herren abt Hainrich² von gottes gnaden des gotteshuses ze sant II Gallen vnd sinen nah komen an des selben gotteshuses stat, su ze versprechen vnd ze virsta^ein vnd vnschadhaft ze machenne von aller der mu^eiung, vorderunge vnd ansprache, die der erber ritter her Eberhart von Bichelnse³ ald ieman andirer iemer gehet alder gehan mag wider inen alder wider îro gotteshus vmb du driseg stuke kernen, du man dem selben her Eberhart vnd sinen kinden ja^erclich gegeben het vnz^g) an disen hutigen tage vsser dem hofe vnd kelre ze Wil⁴. Vnd das dis war si vnd sta^et belib, dar vmb so geben wir dem vor genemten vnserm herren abt Hainrich vnd sinen nah kominen disen brief besigelt mit vnser aller drier insigel ze ainem waren sta^eten vrkund aller der dinge, so an disem brief geschriben stant. Das beschah vnd wart an disem brief verschriben ze Wil, in dem jare, do man zalt von gottes geburt druzehenhundert^h) vnd druzehen jar, an dem na^ehsten fritag vor sant Gallen dult, da zegegen waren die êrberen gezuge, die hie nah geschriben stant, her Wernher von Glottun⁵ kilchunher ze Henowe⁶, C. der schenke von Landege⁷, C. vnd Rů. von Ainwile⁸ gebrůder, Bur. der Scherrar, C. der Sterneger, Ber. Niesli vnd ander biderber luton vil, die es ain warhait wisen.

Source Fulltext: Chartularium Sangallense V, Nr. 2867, S. 247.