Allen^a) den, die disen brief ansehent lesent oder ho^errent lesen, tůn wir her C[ůnrat]^b) || Engler lútpriester ze Bernang¹ vff der kilchen, die dem erwirdigen^c) gotzhus ze sant^d) mit [aigen]||schaft^b) zů geho^ert, vnd swo^ester Anna Englerin convent swo^ester in der samnung ze Wil² [des]^b) || selben herr Cůnratz elichi swo^ester, kund vnd veriehent offenlich mit disem brief fúr v´ns vnd [fúr]^b) alle v´nser erben, als vns die erwirdigen herren Cůn von gottes gnaden abt vnd der convent gemainlich des gotzhus ze sant Gallen³ vnser gna^edigen herren v´ns die gnad getan vnd gunnen habent ze lo^esenn von Gůten Hainrichs von Littenhaid⁴ sa^eligen elichen tohter V^otzen von Múnchwiles⁵ elichen wirtinnen ain malter haber sant Galler messes vnd zehen schilling pfenning Costentzer múns ja^erlichs geltz vmb zwelf pfund pfenning Costentzer múns, die ir vnd iro vordem pfand vil zites von dem obgeschribnen gotzhus ze sant Gallen gewesen sint vnd in ia^erlich giengent vssern dem hof ze Linggenwille⁶, der des vorgenanten gotzhus ze sant Gallen reht aigen ist, sol man wissen, das die selben vnser gna^edigen herren Cůn von gottes gnaden abt vnd der convent gemainlich des vorgenanten gotzhus v´ns baiden gemainlich vnd vnuerschaidenlich das selb malter haber des vorgenanten messes vnd die zehen schilling pfenning Costentzer múns vsser dem vorgenanten hof ze Linggenwille ze ainem rehten libding vnd [in rehtes]^e) libdings wis geben ha^vnd ze vnsern liben vnd nút fúro vnd mit solicher beschaidenhait, wa^er das vnder v´ns zwain dehains vor dem andren von todes wegen abgieng, das denn das vorgenant libding an korn vnd an pfenningen gantzlich geuallen sol an daz, so dennoht vnder in lebt. Wenn aber wir baidi von todes wegen abgangen sint, so sol vnd ist das selb^f) libding an korn vnd an pfenningen vsser dem vorgeschribnen hof ze Linggenwille dem vorgenanten vnserm herren abt Cůn sinen nahkomen vnd dem vorgenanten gotzhus ze sant Gallen gantzlich ledig vnd lo^vs vnd daran gefallen sin a^vn vnser vnser erben sumung ierrung vnd hindernust luterlich a^vn all geua^erd, vnd sont och denn die brief, die wir von des selben libdings wegen von dem obgeschribnen gotzhus versigelt habent, allen vnsern erben kainnen fromen noch nûtz bringen vnd in ga^entzlich to^vd vnd vnkrefftig sin vnd dem vorgeschribnen gotzhus vnscha^edlich. Vnd des herv´ber ze offnem vnd warem vrkúnd han ich Cůnrat Engler lúpriester ze Bernang da obgenant min aigen insigel offenlich gehenkt an disen brief, won aber ich swo^ester Anna Englerin des selben herr Cůnratz elichi swo^ester nút aigens insigels han, so han ich erbetten die ersamen frowen swo^ester Annen von Henkart⁷ priorin vnsers vorgedahten conventz ze Wil, dz si ze ainer zúgnúst diser ding des selben vnsers co[n]ventz^b) insigel gehenkt hat an disen brief, des och ich die selb swo^ester Anna von Hen[kart]^b) priorin des vorgenanten conventz vergich, dz ich von ernstlicher bett wegen der selben swo^ester [Anna]^b) Englerin^e) vnsers conventz insigel ze ainr zúgnúst diser ding offenlich gehenkt han an [disen]^b) brief. Geben ze Wil an dem na^ehsten frytag vor sant Martis tag in dem jar, do [man]^b) zalt von Cristi gebúrt tusent drúhundert ahtzig vnd aht jar.

Source Fulltext: Chartularium Sangallense X, Nr. 6287, S. 530-531.