Wir^a) Burkart von gottes gnaden byschoff ze Costentz¹ tu^egen kunt aller menglich mit disem brief vmb die sto^eß vnd misshellung, die zwischen dem erwirdigen || in got vatter hern Chůnen abt vnd dem conuent dez gotzhus ze sant Gallen² sant Benedicten ordens vnd dem edeln wolerbornen graf Hainrichen || von Montfort herr ze Tettnang³ vnsern lieben o^ehamen vffgeloffen warend von der vordrung ansprâch aigenschaft vnd lihens wegen der || kirchen ze Wasserburg⁴ gelegen nâch by der statt ze Lyndow⁵, der selben sto^ezz vnd misshellung si ze baider site vff v´ns als vff ainen gemainen zů den ziten, do wir thůmprobst vycary vnd phleger waren v´nsers gotzhus ze Costentz⁶, willeclich komen sind, also daz der vorgenant v´nser o^ehem graf Hainrich die vorbenempten kirchen ze Wasserburg mit allen nútzzen rechten vnd zůgeho^erden von v´nserm hailigen vatter pabst Vrbano dem sechsten schaffen vnd werben solt mit sinem costen vnd a^vn schaden des vorgenanten abt vnd conuents an den tisch dez vorbenempten gotzhus ze sant Gallen incorporiert werden, daz si daran habend wa^erend, nach sag vnd wisung dez anlâßbriefs, der mit der selben abt vnd conuents insigeln darúber versigelt geben ist, vnd wenne daz bescha^eh, was wir denn darumb spra^echen mit v´nserm vzzspruchbrief, daby welten si ze baider site gern vnd willeclich beliben vnd daz sta^et halten. Vnd wan nv die selb kirch Wasserburg nach tůn vnd werben dez vorgenanten graf Hainrichs an den tisch dez vorbenempten gotzhus ze sant Gallen incorporiert ist nach form vnd gewonhait dez hofs ze Rome, als die bull, die darúber geben ist, daz vo^elleclich wiset, die ouch wise vnd gelert phaffen aigenlich besehen gelesen vnd sich ouch erkent hand, daz die selben abt vnd conuent damit wol besorget vnd daran habend syend, darumb so haben wir mit gůter vorbetrachtung gesprochen vnd sprechen ouch mit disem v´nserm vzzspruchbrief, daz die vorgenanten der abt vnd conuent dem obgenanten v´nserm o^ehem graf Hainrichen von der vorgedachten incorporation wegen vnd ouch darumb, daz er von der vordrûng ansprach vnd rechten, so er zů der selben kirchen hett oder nv hinnenthin ymmerme haben ald gewinnen mo^echt, gestanden ist vnd sich der fu^er sich vnd sin erben gentzlich verzigen hat, geben vnd richten súllend fúnfzehenhundert guldin gůter an gold vnd vollswa^erer an dem wechsel ze Costentz a^vn allen fu^erzog vnd widerred, oder aber die vorbenempt kirch Wasserburg sol dem selben v´nserm o^ehem vnd sinen erben mit allen nútzzen rechten vnd zůgeho^erden darumb haft vnd phand sin, vnd súllend ouch die denn inne haben vnd niessen a^vn alles abslahen vnd abniessen der nútzze, als lang vnd all die wile die selb kirch von im vnd sinen erben mit den vorgeschriben fúnfzehenhundert guldin nit gelediget noch widergelo^eset ist, a^vn menglichs irrung vnd widerrede, nach sag vnd wisung dez vorgedâchten anlâzzbriefs, doch also daz ainem lútpriester der selben kirchen souil korn vnd win mit der wydeme ia^erlichs vollgen vnd werden sol a^vn dez selben v´nsers o^ehems grâf Hainrichs vnd menglichs irrung vnd widerrede, als daz in dem selben anlâzzbrief ouch aigenlich ist begriffen. Vnd dez alles ze ainem waren offenn vrkúnd haben wir v´nser insigel, doch v´ns vnd dem vorbenempten v´nserm gotzhus an consolationibus bannalibus quartis vnd andern v´nsern byschofflichen rechten vnscha^edlich, lâssen henken an disen brief. Der geben ist in v´nser vesti Hewen⁷, nach Cristz gebu^ert drúzehenhundert iar, darnach in dem a^vcht vnd achzigosten jar, an dem nehsten mentag vor sant Martis tag.

Source Fulltext: Chartularium Sangallense X, Nr. 6288, S. 531-532.