Allen den, die disen brief ansehent lesent oder ho^erent lesen, kúnden wir Wetzel vnd Andres die Entziswiler gebrůder burger ze sant Gallen vnd veriehen offen||lich an disem brief fúr v´ns vnd fúr alle v´nser erben, daz sich dú erber fro^vw Margarett Cůntzen von Brunâdran¹ êlichi to^vhter, die v´nser lêhen was || von den ho^vherbornen hêrren den von To^vkkenburg², redlich vnd reht von v´ns geko^vfft hât mit lîp vnd mit gůt vnd mit namen mit allen rehten, || so wir ald v´nser erben zů ir lîp vnd gůt hattont oder gehan mohtont ald soltont von lêhenschaft von aîgenschafft ald von dehainen andren sachen vnd rehtunge wegen, vmb zwaî pfunt pfenning gůter Costentzer múns, die sie v´ns darumb geben hât vnd gantzlich von ir gewert vnd bezalt sient. Die selben Margaretun habint wir o^vch den obgenanten von To^vkkenburg ze des êrwirdigen gotzhus ze sant Johann³ handen mit lîp vnd mit gůt, als vor beschaiden ist, vnd mit allen rehten gantzlich vfgeben vnd ledig gelassen, also daz sie an das vorgeschriben gotzhûs ze sant Johann hinnenhin iemer mê aigenlich geho^erren vnd des selben gotzhûs reht aîgen sin sol. Vnd habint v´ns darúber fúr v´ns vnd fúr alle v´nser erben gen dem selben gotzhus ze sant Johann vnd der vorbenemten Margareten vnd allem ir gůt, als vorgeschriben stat, gantzlich verzigen vnd verzihen v´ns mit disem gegenwúrtigen brief aller ansprach vnd vordrung aller gewêr kuntschafft vnd besatzung vnd alles rehten, so wir zů der selben Margareten lîp vnd gůt iê gehattont von dehainer sach vnd rehtunge wegen. Darv´ber habint wir baid fúr v´ns vnd fúr alle v´nser erben vnd nachkomen gelo^vpt vnd lobent mit disem brief, des vorgeschribenen ko^vffes reht wem ze sinne nach reht gen ma^englichem an gaistlichem vnd an weltlichem gerihte vnd an allen stetten, da sie des bedarff vnd no^vtdurftig ist, âne geuerde. Vnd des ze ainem wâren vrkúnd vnd gantzer sicherhait aller vorgeschribenen ding vnd geding so habint wir die obgenanten Wetzel vnd Andres die Entziswiler gebrůder baid v´nsri aîgenú insigel fúr v´ns vnd fúr alle v´nser erben offenlich gehenkt an disen brief. Der geben ist ze sant Gallen an dem na^ehsten ma^entag vor sant Gregoryen tag in dem iâr, do man zalt von Cristus gebúrt drútzehenhundert iâr, sibentzig iâr vnd darnach in dem sibenden jâre.

Source Fulltext: Chartularium Sangallense IX, Nr. 5565, S. 239-240.