. . Vicarii episcopatus Constantiensis sede vacante¹ in spiritualibus et temporalibus generales decanis decanatuum in Sigmarscelle² || et in Roschach³ salutem in domino. Cum dilecti in Christo Vlricus dictus Nekker de Lindaugia⁴ sacerdos rector ecclesie parrochialis || in Montigel⁵ de consensu strennui militis Vlrici de A^emptz⁶ patroni eiusdem ecclesie et Vlricus de A^emptz filius prefati || militis rector parrochialis ecclesie in Wasserburg⁷ de consensu venerabilis patris domini abbatis monasterii sancti Galli⁸ patroni eiusdem ecclesie easdem suas ecclesias Constantiensis dyocesis rationabili ex causa, ut puta, quia uterque eorum ecclesie alterius magis preesse et prodesse potest, ad invicem permutare disiderent^a) et affectent, easdem suas ecclesias videlicet Vlricus Nekker predictus per se et prelibatus Vlricus de A^emptz per Ru^od. dictum Brúngger et Petrum natum quondam Alberti de Rotenburg⁹ notarios curie Constantiensis suos procuratores habentes ad hoc mandatum speciale ad manus nostras animo permutandi sponte resignaverint et petierint permutacionem eandem per nos auctoritate ordinaria recipi perfici et adimpleri, prout in litteris desuper factis vidimus plenius contineri, nos peticioni rectorum et patronorum eorundem ob causam predictam nobis expositam annuere cupientes, receptis renunciacionibus dietarum ecclesiarum sponte factis ad manus nostras ab Vlrico Nekker et Vlrico de A^emptz predictis, ut premittitur, ipsum Vlricum Nekker de ecclesia sua Montigel predicta ad ecclesiam in Wasserburg et ipsum Vlricum de A^emptz de ecclesia sua in Wasserburg ad ecclesiam in Montigel predictas transtulimus et transferimus per presentes, et ipsum Vlricum Nekker de ecclesia in Wasserburg et ipsum Vlricum de A^emptz de ecclesia in Montigel auctoritate ordinaria presentibus investimus, eisdem Vlrico et Vlrico curam animarum subditorum earundem ecclesiarum, ad quas eos transferimus et de quibus ipsos investimus, conmittentes, mandantes vobis, quatenus Vlricum et Vlricum eosdem in prefatarum ecclesiarum Montigel et Wasserburg, iurium et pertinenciarum ipsarum, prout ad eas translati sunt, possessionem mittatis et inducatis corporalem, facientes predicte ecclesie in Wasserburg prefato Vlrico Nekker et dicte ecclesie in Montigel memorato Vlrico de A^emptz subditos tamquam veris rectoribus in spiritualibus obedire et temporalibus congrue respondere, ipsosque recipiatis et a vestris confratribus recipi faciatis in confratres. Datum Constantie, sub sigillo nostri vicariatus, anno domini millesimo CCC°L^mo sexto, IIII°. klnd. mensis maii.

Source Fulltext: Chartularium Sangallense VII, Nr. 4435, S. 284.