Ich Eberhart von Sax¹ der alt tůn kund allerma^engklichen || mit disem brief, das der wingart, den man nempt Englaberg² ||, gelegen ze Rebstain³ im Rintal mit den akkern vnd hofstat, || so darzů vnd darin geho^erret, die geltent ja^erlich zehen schilling pfenning Costentzer múns vnd vier hu^enr, min reht lipding ist von dem erwirdigen gotzhus ze sant Gallen, vnd wenn ich von todes wegen ab gangen bin, so sol der vorgenant wingart mit aller zůgeho^erd an das vorgenant gotzhus ze sant Gallen gantzlich geuallen vnd dem gotzhus ze sant Gallen ledig vnd lo^vs sin, also dz min erben noch niemen andre zů dem vorgenanten wingarten vnd siner zůgeho^erd niemerme kain ansprach noch vordrung so^ellent habent in dehainen weg. Vnd des ze warem vrkúnd han ich Eberhart von Sax der alt min aigen insigel offenlich gehenkt an disen brief. Der geben ist an dem na^ehsten zinstag^a) vor sant Georien tag, do man zalt von Cristi gebúrt tusent drúhundert ahtzig vnd aht jar.

Source Fulltext: Chartularium Sangallense X, Nr. 6268, S. 508.