Ich Willhalm von Prachtsperg¹ kv´nd vnd vergich offenlich an disem brief allen den, die in ansehent oder ho^erent lesen, das ich || mit wisem rât vnd mit gůter vorbetrachtvnge ze den ziten vnd ze den ta[g]en^a), do ich es wol getůn moht, dem erberen man Súryen||staine dem Súryen² vnd sinen erben minen zehenden, den ich het vss dem h[off ze]^a) Hegy³ vor Wasserburch⁴ gelegen vnd ze Nvnnenhorn⁵ vnd || ze Mitten⁶, winzehenden kornzehenden howe zehenden klain vnd gross ze[henden]^a) mit allen rechten vnd zůgeho^erden, als der selb zehende an mich komen vnd bracht ist vnd als ich den innegehebt vnd genossen han, aines rechten redelychen vngeuarlichen vnd ewigen kouffes ze kouffent han gegeben, wie recht ist, fúr ain recht zinslehen von dem abt vnd von dem gotzhus ze sant Gallen, vmb achtzzig pfvnd vnd vmb fúnff pfvnt pfennige genger vnd gůter mv´ntz, dero ich von im nútzlich vnd gentzelich gewert bin vnd die in minen redelychen vnd gůten nútzze komen vnd bewent sint. Vnd han im vnd sinen erben den obgenanten zehenden mit allen rechten vnd zůgeho^erden geuertgot fur ain recht zinslehen von dem abt vnd von dem gotzhus ze sant Gallen, dannen der selb zehend zinslehen ist, vnd den mit lehenschaft in ir gewalt bracht, als vmb semlich zehenden vnd lehen gewonlich vnd reht ist zeuer[ti]gend^a), a^vn alle geuerde. Ich vnd min erben sv´llent ouch vmb den obgenanten zehenden vnd dis lehens vnd dis vorgeschriben rechten redelychen vnd ewigen koufs des vorgenanten Súrgenstain des Suryen vnd siner erben vf gaischlichem vnd vff weltlichem gericht gen aller mengelich vnd an allen stetten recht werne sin fúr ain zinslehen nach dem rechten, a^vn alle geuerde. Ich verzieh mich ouch an disem brief vnd fúr alle min erben vnd nachkomen an dem obgenanten zehenden vnd an aller siner zůgeho^erde, den der obgenant Súrgenstain von mir kouft hat, gen im vnd gen allen sinen erben vnd naehkomend aller aigenschaft, aller lehenschaft, aller vorderung, aller ansprach, alles vsszuges, alles schirms, alles rechtz gaischliches vnd weltlichs gerichtes vnd alles v´nsers rechtes, damit ich ald min erben ald ieman von v´nsern wegen den vorbenempten zehenden kundint ald mo^ehtind widerangesprechen ald damit wir dis ewigen redelichen kouffes kúndint ald mo^ehtind widerkomen ald den in dehain wise gewenden krenken oder gebrechen. Vnd ist dirre kouf vnd disú obgenant vertgu[ng]^a) beschehen vnd vollefu^eret mit worten vnd mit werken vnd mit geta^eten vnd mit aller der kraft, so von recht oder von gewo[nhait]^a) darzů gehort vnd notdúrftig was vnd alls recht ist, a^vn alle geuerde. Dirre vorgeschribener dinge zeurkvnd der w[arhait]t^a) vnd zesta^eter sicherhait han ich vorgenanter Willhalm von Prachtsperg disen brief fúr mich vnd fúr alle min erben mit minem aigenem insigel geuestnot vnd besigelt. Der geben ist ze Lindowe⁷ an dem nechsten gůtemtag nach sant Andres tag des zwelfbotten vor winechten, der in dem iar was, do man zalt von Cristes gebv´rte drutzehenhvndert vnd fv´nftzig iar, darnach in dem núnden jar.

Source Fulltext: Chartularium Sangallense VII, Nr. 4653, S. 477-478.