Ich Ma^erk von Schellenberg¹ von Wasserb(ur)g^a)2 vnd ich Berchtolt der Swarz bůrger ze Lindowe³ kúnden vnd vergehint baid offenlich an disem gegen||wirdigen brief allen den, die in ansehent alder ho^erent lesen, das wir baid mit verdachtem můt vnd mit gůtem Willem^b) geben habint die erb||eren lút, die hie nach gescriben stat, Elsbetun die Ma^erdrinun vnd irú kint Hansen vnd A^ellinun, vnd Annen Cla^esinun Hainzen Eglins tochter || in den hoff ze Hego^ew⁴, das si dar in geho^erent mit allen rechten, si vnd a^ellú ir kint, ob si si gewinnent, vnd alle ir nachkomen, vnd haissent vnd sint recht hoff lút vnd hant a^ellú dú recht mit aller zů geho^ert, die ander hoff lút hant von alter ald han sont ald můgent, Vnd das disú vorscriben ding a^ellú war vnd stat^c) vnd vnwaldelba^er^b) belibent, so gebint wir die vorbenempten Ma^erk von Schellenberg vnd Berchtolt der Swarz den vorbenempten ersamen lúten disen brief besigelt mit v´nseren baiden aigen insigel. Der geben ist ze Lindowe in der stat in dem jar, do man zalt von gottes gebúrt drúzehundert jar vnd in dem^d) vier vnd sentkgostem^b) jar, an dem na^echsten zinstag vor v´nser frowen [t]ag^e) der jungren.

Source Fulltext: Chartularium Sangallense VIII, Nr. 4955, S. 150.