Ich^a) Jo^vhans Vaissli von Vadutzz² kúnd vnd vergich offênlich an disem brief, dz ich mit gůter vorbetrahtung ains slehten tâyls v´ber ain komen || bin vnd lieplich vnd frúntlich getaylt ha^vn mit minem swager Walther Hanen burgern ze Veltkilch³ vnd mit Margrêthen Vaistlinen siner elichen huß||fro^vwen miner swo^ester allú dú gůt vnd gu^eter, so v´ns egen(ante) gesw´stergit baidú Jo^vhansen vnd Margrethen an geuallen vnd an komen sind von v´nserm || va^etterlichen vnd můterlichen erbe, sider si abgangen vnd tod sind, es syen wingarten akker oder wisan, vnd wz es ist benemptz vnd vnbenemptz, vsgenomen die zehenden vnd die pfantschaft, die wir habint, vnd v´nsern torggel ze Vadutzz. Darzů so ha^vn ich zů mir genomen vnd zů minen handen gezogen vnd gehaymot miner swo^ester tayle vnd wz der geuallen waz, Nesen Vaistlinen Růdolfs von Blůmental genant Vetten elichen husfro^vwen, die ich o^vch darvmb gantzlich vsrihten vnd vnclagber machen sol a^vn des obgenanten Walther Hanen vnd Margrethen siner elichen husfro^vwen miner swo^ester schaden. Wa^er aber, dz si von des selben tayls wegen miner obgenanten swo^ester Nesen, den ich ingenomen ha^vn, als vor ist beschaiden, jemer angesprochen oder vfgetriben wrdint vnd dz si darvmb red vnd schad angiengi v´ber kurtz ald v´ber lang, wenn dz wa^eri, da sond ich vnd min erben si vnd iro erben allenart versta^vn vnd versprechen vnd si von allem dem selben schaden denn je gantzlich ziehen wisen lo^esen vnd vnclagber machen a^vn iren schaden, als ich inen darvmb fúr mich vnd all min erben mit miner gůten trúwe vngenarlich verhaissen vnd gelopt ha^vn. Des alles ze wa^vrem vrkúnde henk ich obgenanter Jo^vhans Vaissli fúr mich vnd min erben min aigen insigel an disen brief. Der ze Veltkilch geben ward, do man zalt von Cristes gebúrt drúzehenhnndert vnd ahztig ja^vr, darnach in dem fúnften ja^vr, an sant Hylarien tag.

Source Fulltext: Chartularium Sangallense X, Nr. 6051, S. 224.