Ich^a) V^eli Gamps von Kalcherren burger ze Veltkilch¹ kúnd vnd vergich offênlich an disem brief, als ich von den ere||wirdigen wisen minen gnêdigen herren herr Walthern apt des gotzhnses ze sant Johann gelegen im Turtal in Costenzer || bystům vnd von dem cappittel gemainlich des selben gotzhnses ze ainem rehten erblehen enpfangen ha^vn die || Vndern Gebraiten vnd o^vch den bo^vnaker gelegen ze Kalcherren mit allen rehten vnd zůgeho^erden ja^erklichs vmb ainen scheffel waissen zinses Veltkircher messes vff sant Martis tag in den Brůderhof ze richtend nach des briefs Int vnd sag, den ich darvmb von den selben minen gnedigen herren versigelten inne ha^vn, vergich ich fúr mich vnd alle min erben aller mêngklichem, dz die selben vorgenanten min herren all iro na^vhkomen vnd dz obgenant gotzhnse ze sant Jo^vhann ainen wagen weg sond ha^vn jemer mer von minem huse, als dz hút ze tag, als dirr brief geben ist, sta^vt, glich vffhin in den Brůderhof, als o^vch der selb weg vntz her gangen vnd gewesen ist, darzů vnd davon darine vnd darvs ze fu^erent ze ziehent vnd ze tragen vnd den weg ze wandeint vnd ze bruchent, wie inen denn je vngeuarlich notdúrftig ist vnd si bedurffent oder ir pfleger, wer die sind an iro statt, allenart a^vn alle geuerde. Vnd sond ich noch min erben noch niemant von v´nsern wegen si noch iro nahkomen noch ir pfleger oder ir fůrlúte daran nit sumen noch ierren mit dehainen sachen suß noch so jetzo vnd hienach, o^vch a^vn alle geuerde. Des ze wa^vrem offem vrkúnde ha^vn ich vorgenanter V^eli Gamps den obgenanten minen herren allen allen iren nahkomen vnd o^vch dem gotzhuse ze sant Jo^vhann disen brief geben vnd fúr mich vnd all min erben gebetten besiglen mit Jo^vhansen von Hofen landammans ze Rankwil aigenn insigel, darvnder ich mich verbunden ha^vn aller diser dingen, dz selb insigel ich egenanter Jo^vhans von Hofen landamman ze Rankwil durch siner vlissigen bett willen vnd o^vch ze vrkúnd diser vergicht vnscha^edlich mir vnd minen erben geleit ha^vn an disen brief. Der geben wart an dem nehsten samstag nach v´nser lieben fro^vwen tag ze der liehtmisse, do man zalt von Cristes gebúrt drúzehenhundert vnd ahtzig ja^vr, darna^vh in dem fúnften ja^vr.

Source Fulltext: Chartularium Sangallense X, Nr. 6053, S. 225.