Wir official von Costenz kunden allen den, die disen brief ansehent oder ho^erent lesent, || das vnser herre von gottes genaden abt Hainrich¹ vnd o^vch der conuent des gotzhus || ze sant Gallen gemainlich vnd^a) ainwelklich die ho^eve ze Stamhain den obern vnd^a) den nidern² vnd^a) || den kilchensatz der kilchen da ze Stamhain vnde alles das gůt vnd^a) litte vnde reht, div si vormals rehtes ko^vffes verko^vffet hettent³ hern Albreht sa^eligen von Clingenberg⁴ vmbe zwai hvndert mark silbers Costenzer gewa^eges, hant wider geko^vffet o^vch rehtes ko^effes vmbe Albrehten von Clingenberg⁵ des vorgenanden hern Albrehtes sa^eligen von Clingenberg svn vmbe zwai hvndert mark silbers des vorgenanden gewa^eges, vnde beschach dirre widerko^vffe ze Costenz vor ivns, do man zalte von gottes geburte druzehen hundert jar, darnach in dem vierzehendem jar, an dem na^ehsten vritag nach sant Barnabes tag. Vnde ze ainem offenne vrkunde aller der dinge, als hie vor geschriben stât, so henken wir durch bette vnser vorgenander herren abt Hainriches vnd^a) des conuentes von sant Gallen vnd des vorgenanden Albrehtes von Clingenberg ivnsers houes insigel von Costenz an disen brief. Dirre brief wart gegeben ze Costenz des jares vnd^a) des tages, als da vorgeschoben stat, indictione duodecima.

Source Fulltext: Chartularium Sangallense V, Nr. 2893, S. 259-260.