Nos C. permissione divina abbas sancti Galli¹ notum esse cupimus universis presentem paginam || inspecturis, quod dominus H. senior de Tengin² et filii sui H. et C. cum unanimi consensu possessionem in Ober||riet³, quo ipsi iuxta ritum predecessorum suorum iure feodali ab antecessoribus nostris et a nobis infeodati fuerant^a), || nobis et ecelesie nostre traditione manuali resignarunt. Nos itaque habito consilio confratrum nostrorum M. decani⁴, B. prepositi⁵ et L. quondam decani⁶ et aliorum confratrum nostrorum de unanimi consensu eorundem et tocius capituli nostri divine propitiationis intuitu necnon etiam precum domini R. prepositi Argentinensis⁷ viri venerabilis interventu sanctimonialibus de Gvnterstal⁸ dictam possessionem in Oberriet sub nomine census concessimus perpetuo possidendam, ita tamen, ut ibidem domum conventualem construentes illic residendo domino deo militent imperpetuum, annuali censu ob memoriam facti eiusdem tali observato, ut singulis annis in festo sancti Galli ad ecclesiam nostram tantum duos cereos de tribus libris conpactos cere deferri disponant. Statuimus etiam, si aliquo casu prelibatas dominas hoc evitare contingerit, ut videlicet ipso preposito Argentinensi vivente mansionem illic non faciant, ipsa possessio ad sepedictum prepositum Argentinensem libere revertatur. Si vero ipso mortuo idem effectui mancipare neglexerint, heredes sui sibi invicem iure succedant feodali. Ne vero aliquis successorum nostrorum tam pium opus a nobis legitime celebratum aliquatenus attemptet infringere, presens scriptum conscribi fecimus et munimine sigilli nostri duximus roborandum, ut, quia omnia facta mortalium temporalem motum sequendo sua natura tendunt ad interitum, litterarum amminiculo fulciatur et ab oblivionis interitu defendatur. Datum apud sanctum Gallum, anno ab incarnatione domini M°.CC°.XXXVII°. X. inditionis.

Source Fulltext: Chartularium Sangallense III, Nr. 1264, S. 221.