Item es ist ain instrumennt da, das sait, wie Gwido der priester vnd Jacobus ain ewangelier sigint gemachet versecher der kirchen in Manssin¹, da vnser liebe frow vnd sant Michel, der Saluator vnd sant Quiritz in den vier kirchen gnedig sind. Ouch statt in dem instrument, das ain her von sant Gallenn in den kilchen, die da gelegen sind an dem berg Biuillion² mit der kirchen sancti Pettri in Grauallona by de Cerren³ gelegen, vber die all bischofflichen gwalt hab mit dem ban vnd mit absoluiener in grosen vnd klainen sachenn, die apty vnd priester da hin zu^o setzin vnd ze entsetzin, in elichen sachen die zu^o entschaidin vnd recht ze sprechin wie ain bischoff, vnd das die selben lut vnder den bischoff nit geho^ert habind, wie och ain herr von sant Gallenn des von ainem stu^ol ze Rom och von ainem kaiser oder mer gefrydt vnd begabet sy. Dis instrumennt ist gemacht, do man zalt M CC XXXVIII. 

Language: Deutsch

Notes: