In namen des vaters vnd des svns vnd des heligin geistis kvnde ich Heinrich von Bernegge vnd ich Bertha sin elichv wirtvn vnd Rv^edeger¹ ir sun, dc wir vnsir eîgin in dem dorf ze Ringwile², den hof, dem men nemmet Walters hof, vnd den selbin || Walterin mit der hofstat, die Rv^odolf Balders rvte heîzsit, vnd eîme garten vnd den hof, den V^olrich Swarze bvwete, vnd den hof, den Rv^odolf der Man bvwete, vnd den hof, der der Zinkin hof heizsit, des eilif stvckv geltes vnsir eigin warin vnd || nvn stvcki^v reth lehen von den geêrttin herrin von Klingin³, vnd die vo^vteîgi vber die wideme ze Ringwile vnd die lvte, die dar zv ho^erint, dc ist Eberhart der Gvbeler vnd Bertha sin sweîster Walters wîrtin mit den kindin, so von ir ko^vmin sint, || vnd Berthin Swarberin vnd Rv^odolfin irn svn mit andirn lvtin, so zv der wideme ho^erint, vnd dv geriehte vber dc selbe dorf ze Ringwile, getwinc vnd bân ze ko^vfenne gabin^b) den brv^ederen vnd dem hvse ze Bv^ebinkon⁴ sante Johannes ordins von dem spital ze Iherusalem vmbe sehze vnd âhzig marc lo^etigis silberes. Des silberes gabin sv Jacobe von Rambach⁵ ane eine driszic marc von der Zinkin hôfe fvr mich, als ich sv hîez, die anderen sibin vnd fivnfzig marche gabin^c) ze Rapreswile⁶ vnd ze Wintirtvr⁷ vnd anderen minen gvltin, da ich sv hine stîez. Dar vber kvnd ich dv vorgenante Berthe von Bernegge, dc disv selbin eigin, dv hîe mit schrift vor genemmit sint, min lipgedinge warin, der vir ze^d) ich mich gegin den selben brv^ederin vnd dem hvs ze Bvbinkon mit hern Heinriches mines wirtis hant, der min vo^vgit ze rehte was, vnd in heren Diethelmes hant von Windecke⁸, dem min herre der abbit Rv^ome von sante Gallin⁹ vber alle disie Sache gewalt gegebin hatte, wan er sins gotshvsez dîenstman was, vnd swo^vr des ze den heiligin, das ich die selbin brv^edir von sante Iohannes ordine an den vor genantin gv^eterin nîemer beswârte noh sv mit den heîner slahte ansprache nîemir dran geiritte. Dar zv^o kvnd ich Heinrich lvprîester von Adorf¹⁰ vnd ich Rv^edin vnd ich Cv^enin vnd ich Ita vnd Eilza heren Heinrichis kint von Bernegge, dc wir mit vnsirs vaters hant vns virzigint^e) der selbin vor genantin gv^etir gegin den selbin brv^ederen o^vh in heren Diethelmis hant von Windecke in der kylhehen ze Hvnwile¹¹. Diz geschah nah vnsirs herren gebvrte vber dvsint iâr, zwei hvndirt iâr, sibinzic iâr an dem sibidem iâre, an dem svnnentage nah sante Hylarien mês, ze gegenwrte V^ol. von Hvnwile¹² des edelin, hern Wernhers von Vrvndisberc¹³ des ritters, Heinrichis des marsalchis¹⁴, Heînr. von Rambach¹⁵, Jacôbis sins brv^edirs, Rv^o. von Wagen¹⁶, Heinr. von Kaltenbrvnnen¹⁷, Conradis Lo^edegastis der burger von Rapreswile, Heinr. des Balteres, Wal. von Ringwile, Bur. sins svns, Ber. von Diechensbach¹⁸, H. sins svns, V^oI. des anmannes, Heinr. Bossinkons¹⁹ vnd andir lute gnvc, den wol ze glo^vbene ist. Her zv^o kvnd ich Heinrich von Bernegge vnd ich Rv^edeger sin svn, de wir in vnsirs herrin abbit Rv^omin hant von sante Gallin vns vir zigint der eiginschephte vnd alles des rehtes, so wir hattint an den gv^eteren ze Ringwile, die da vor mit schrift genemmet sint, vnd inphingen es dîe brv^edere sante Iohannes ordines von Bv^ebinkon mit allem rehte von des abbetis Rv^omen hant ze eime ewigin zins lehene iarliches vmbe ein phvnt waszes^f), das ein andir brief²⁰ bewert, den sv von dem gotshvse von sante Gallin hant, mit allir virrîehtungin. Diz geschah ze Wile²¹ in der stat, dc sach her Berwart ein prîester, her Heinr. von Bvnishouen²² dv^om herre ze Bischo^vvescelle²³, Swicher von Lo^vwenberc²⁴ die phahfen, her Conrat der Homo von Rettinberc²⁵, Eberhart von Lomesse²⁶, her Wernher der schvltheîze, her Heinr. der Hvnzinkover²⁷, her Conrat der Albrethswiler²⁸, her Hvg der Goltsmit burger von Wile vnd andir lvte gnvc. Dar vber haben wir gegebin de vo^vteige ze Ringwile den selbin brv^ederin von Bv^ebinkon vber dîe vrien lvte mit allem rehte, als wirz hatten ze lehene von vnserim herrin grauin Manigolte von Nellinburc²⁹ vnd vnserin herrin von Veringin beiden grauin Heinrichin³⁰, dîen wir vf gabin³¹ die selbin vo^vteîge vber dîe vrien lvte vnd ir eigen gv^etir, vnd inphiengin die brv^edere die gabe der selbin vo^vteîge von dîen vorgenantin herrin eigenliche vnd ewickliche ze bisizenne. Vmbe disv vo^vteige gabin vns die brv^edere nvn marc lo^etigis silbers. Nv kvnd ich^g) DîetheIm von Windegge dîenstman ze sante Gallin, das ich allv disv vor genante dinch han vollebraht mit vf nêmene von vro^vn Berhten von Bernegge vnd allin ir kinden, die hîe vor mit schrift genemmit sint, in der kylhclen ze Hvnwile, als mirs min herre abbit Rv^ome hêtte bevolin, vnde inphîengint es dîe brv^eder von Bv^ebinkon sante Johannes ordins ewiklichen ze bezizenne ze geginwrte V^oI. von Hvnwile des edîlen, hern Wernhers von Vrvndisberg des rîtters, Heinrichis des marsalchis, Heinr. von Rambachis, Jacobis sins brv^edirs, Rv^o. von Wangen³², Heinr. von Kaltenbrvnnen, Conradis Lo^edegastis der bv^orger von Rapreswile, Heinr. des Blatters von Wernolsthvsin³³, Wal. von Ringwile, Bur. sins svns, Bertholdis von Dîekinsbach vnde andir lvte gnvc, die an disem selbin brîeve hîe vor gischribin stant, den wol ze gelo^vbinne ist. Vnde dc dis allis stête blibe îemir mêr an allv ansprache, dar vmbe han ich Heînrich von Bernegge disen geginwrtigin brîef gigebin dên vor genantin brv^ederin von Bv^obinkon sante Johannes ordins bestetit mit des abbitis insygil von Rvte³⁴ vnde min selbis vnde hern Dîethelmis von Windegge.

Source Fulltext: Chartularium Sangallense IV, Nr. 1982, S. 152-154.