Wir dis nâchgenemten graf Hug, graf Albreht der êlter, graf Hainrich vnd graf Al||breht der junger von Werdenberg¹ gebrůder veriehen vnd kúnden offenlich mit disem brief || allen, die in sehent lesent oder ho^erent lesen, das v´ns die fúrsichtigen wîsen der burgermai||ster der amman der rât vnd die burger gemainlich der stat ze sant Gallen dú fünfhundert pfunt pfenning gůter vnd gena^emer Costentzer múnse, die si v´ns schuldig wârent ze gebenn vmb v´nser hilff vnd dienst, als die brief² wîsent, die wir gen in vnd si gen v´ns hant, gantzlich vnd gar vnd êrberklich gewert vnd bezalt hânt nâch allem v´nserm willen. Vnd darvmb so sagen wir vnd lâssen die selben burger vnd die stat ze sant Gallen vnd alle ir erben vnd nâchkomen der selben geltschulde der fünfhundert pfunt pfenning gůter Costentzer múnse vnd aller der gelúpt, so si vns darvmb getân hânt, gantzlich vnd gar quit ledig vnd los fúr v´ns fúr alle v´nser êrben vnd nâchkomen. Vnd des ze offemm wâren vrkúnd vnd sta^eten sicherhait so haben wir graf Hug, graf Albreht der êlter, graf Hainrich vnd graf Albreht der junger von Werdenberg gebrůder da vorgenemt fúr v´ns vnd fúr alle v´nser erben vnd nâchkomen v´nsrú insigel offenlich gehenket an disen brief. Der ist geben ze sant Gallen an dem na^ehsten zinstag vor sant Johans tag des To^vffers ze sunnwendi in dem jâr, do man von Cristus gebúrt zalt drúzehenhundert jâr, sibentzig jâr vnd darnach in dem dritten jâre.

Source Fulltext: Chartularium Sangallense IX, Nr. 5364, S. 40-41.