Hainricus dei gracia episcopus Constanciensis¹ decano Lucernensi² ceterisque, ad quos presentes pervenerint, || salutem in domino. Quamvis Hermannum de Vtznach³ presbiterum nobis delatum publica fama || referente ex fidedignorum orta relatione super eo, quod in ecclesia parrochiali Kússnach⁴ mense || Montis Angellorum⁵ unite ac incorporate sine quovis incuracionis tytulo abbateque monasterii predicti ac fratre Walthero dicto Mirer eiusdem ecclesie vero et perpetuo vicario renitentibus contra eciam nostram notoriam inhibicionem, de qua eidem Hermanno constabat evidenter, non obstante nichilominus, quod eadem ecclesia a nobis iam dudum fuerat ecclesiastico subposita servatis quo adhoc de iure servandis interdicto, divina officia celebrarit ymmo verius prophannarit, citaverimus ac citari mandaverimus ad feriam sextam proximam ante festum purificationis gloriose virginis Marie ad excusandum se si posset super premissis necnon ad respondendum certis articulis sibi per nos ex officio nostro obiciendis, ipse tamen plus debito per nos expectatus non comparuit. Qua propter eundem prout fuit reputavimus^b) et presentibus reputamus contumacem ipsumque ob id excommunicamus in hiis scriptis. Et quia prehabita inquisicione solerti invenimus eundem Hermannum dyabulo instigante in contemptum sancte matris ecclesie sie ut premittitur protholor prophanasse falsem nichilominus in messem mittendo, quod dolenter referimus alienam, loca et ecclesiarum parrochias, ad que vel ad quas prefatus Hermannus tam proterve iniquitatis alumpnus devenerit, moram traxerit et quamdiu in eisdem fuerit, interdieimus vobis mandantes, quatenus singula premissa in vestris capitulis et cancellis publicetis cessant.^c) et cessari facient.^c) in eisdem apertis ianuis et in presencia populi in locis et ecclesiarum parrochiis, in quibus prefatus Hermannus fuerit, penitus a divinis. Datum in castro nostro Clingnow⁶ anno domini M° CCC° LXX^mo octavo, predicta feria sexta, indictione prima.

Source Fulltext: Chartularium Sangallense IX, Nr. 5629, S. 301.