Wir des hailigen Ro^emschen riches stet in dem bunde vmb den Se^e¹ vergehint || mit disem offem brief, daz wir vns erkent habint vnd sprechint mit disem brieff, || was versessener nútzz an stúran an pfeningen an korn an zinsen an zehenden, || ald wie die nútzz genant ald gehaissen sint, vnd o^vch von des gelihen geltes wegen, daz abt Go^erig² sa^elig lehe, die dem erwirdigen herren abt Cůnen des gotzhus ze sant Gallen³ von den la^endern ze Appazell⁴ vnd die ze in geho^erent vff disen hútigen tag, alz diser brief geben ist, noch vss stand vnd gelthaft vnd hinderstellig sint, daz die vorgenanten lender dem erwirdigen vorgenanten herren von sant Gallen die vorgenanten nútzz vnd gúltan, alz vor geschriben stat, rihteklichen vnd a^vn allen schaden vnuerzogenlich geben bezalen vnd vssrihten sond, mit vrkúnd dis briefes, alz wir vns dar vmb erkent vnd vssgesprochen hand. Vnd des spruches ze vrkúnd hant die von Bůchor(n)⁵ von vnser aller haissentz wegen ir stat insigel ze ruggen gedrukt vff disen brief. Datum et actum in die Ohtmari, anno LXX^mo nono.

Source Fulltext: Chartularium Sangallense IX, Nr. 5750, S. 421.