Ich^a) Friderich von Bussnang¹ ain friier herre vergih vnd tůn kunt offenlich || mit disem brieue fúr mich fúr Cůnraten vnd Walther² min brůder, daz || mich der erwirdig herre Kůno abt des gotzhus ze sant Gallen³ des || wahses, so er mir vnd och in schuldig waz vff disen húttigen tag, alz dirr brief geben ist, von des burgsa^etzes wegen Alten Toggenburg⁴ gentzlich vnd gar gewert vnd vsgerichtet hat. Vnd darumb so lasse vnd sagen ich den selben abt Kůnen vnd sin nahkômen vmb daz selb wâhs alklich ledig los vnd quit mit disem brief fúr mich fúr die vorgenanten min brůder vnd fúr alle v´nser erben ân alle geuerd. Vnd dez ze ainer warhait han ich min insigel offenlich gedrukt ze ende dirr geschrift vff disen brief. Der geben ist an der na^ehstenn mitwochen vor sant Georiien tag, anno domini M^moCCC^moLXXX^mo.

Source Fulltext: Chartularium Sangallense IX, Nr. 5781, S. 451.