Allen^a) den, die disen brief an sehent oder ho^erent lesen, kúnde ich Bilgri Russinger burger ze Rapre||swil¹ vnd vergich offenlich an disem brief fúr mich vnd mim erben, daz ich den erbern lúten Hansen || Biderman pfleger vnd Cu^enin Giessman meister der armen lúten vnd veldsiechen an der || Flů² recht vnd redlich ze ko^vffenne geben han zů dez selben huss handen ein akker litt an dem vndern berg ze Lenggisen³ vnd sto^vst vnnan an dú wisen, dú man nempt dú Glaserre⁴, vnd sto^vst obnan an dez Kalten akker vnd vor an der Flu^e lúten gůt, vnd han inen den vorgenanten akker geben fúr ledig vnd los, daz nút da von gat, vnd in allen dem rechten, alz er mich an komen was vnd alz ich in vntz her inne gehebt vnd genossen han, ane alle geuerde. Vnd hier vmb so han ich Bilgri Russinger von den vorgenanten Hansen Biderman vnd Cu^enin Giessman empfangen zů dez obgenanten husses handen zwei vnd viertzig pfund pfenninge Zúricher múntz genger vnd genemer, der ich gar vnd gentzlich von inen gewert bin vnd in minen gůten nutz [ko]men^b) sind nach miner vergicht. Vnd han mich o^vch verzigen vnd verzihe mich [fúr]^b) mich vnd min erben luterlich gar vnd gentzlich aller eigenschaft rechtunng vordrung vnd anspräche, so ich zů dem vorgenanten akker ie gehatt oder iemer gewúnnen mo^echte mit deheinen sachen mit gůten trúwen ane alle geuerde. Vnd dez vnd hier v´ber zů einem bestêtten warem vrkúnde vnd gantzer sicherheit, daz ez also war vnd stet sie nv vnd hie nach, da von so han ich Bilgri Russinger min eigen insigel fúr mich vnd min erben offenlich gehenkt an disen brief. Der geben ist in dem iar, do man zalte von gottez gebúrte tusent drúhundert jar vnd dar nach in dem achtzigosten jare, an dem nechsten zistag vor sant V^olrichs tag.

Source Fulltext: Chartularium Sangallense IX, Nr. 5795, S. 462.