Nos Henricus dei gratia abbas¹ totusque conventus monasterii sancti Galli notum fieri cupimus universis, || quos nosce fuerit oportunum, quod cum per quondam abbatem Ruomonem² et per nos curia in Affoltllrangin³, que pertinuit offitio portarie monasterii nostri, iusto venditionis titulo alienata fuerit⁴ ac in || reconpensam eidem offitio, ne ex tali venditione detrimentum aliquod sentiret, curia in Bernang⁵, que^b) tunc temporis feodum claustrale extiterat, conmuniter et unanimiter a predicto abbate Ruomone et a capitulo fuerit applicata, et ex post facto quondam abbas Wilh.⁶ suc-cessor dicti abbatis Růmonis nobiscum videlicet abbate Henrico, qui tunc fuimus in minori offitio portarie⁷, convenerit, quod ipse predictam curiam in Bernang et nos curiam in Stamhen⁸ pertinentem abbatie ad utriusque vite tempus tantumodo^c) possideremus, et hec conventio seu hec momentanea possessio per mortem prelibati Wilh. abbatis inperante domino sit sublata, recognoscimus omnes consensu unamini, quod iuxta formam applicationis predicte per prefatum abbatem Ruomonem et ca-pitulum rite et legitime facte, in qua etiam supplemus ad presens, si quid in ipsa forte neglienter^c) fuerat pretermissum, predicta curia in Bernang cum suis pertinentiis pertinet et pertinere debet in perpetuum offitio portarie, volentes ut dilectus in Christo Hilteboldus portarius nostri monasterii⁹ aministrationem eiusdem curie ut portarius habeat cum omnibus suis successoribus, quam sibi concedimus et concessam fore presentibus confitemur. In cuius rei testimonium sigilla nostra duximus presentibus apponenda. Dat. apud sanctum Gallum, anno domini millesimo CCC° tertio, VIII. idus iulii, indic. I^a.

Source Fulltext: Chartularium Sangallense V, Nr. 2590, S. 72-73.