Wir Nicolaus der amman vnd Vo^enenberg der werchmaister, Burkart der Hase, Jacob || der Phanner, Jacob Raiteno^vwe, Jacob V^olhartwil., V^olr. der Werchmaister, der rat, || vn^a) alle die burger gemainlich der stat ze Wanggen¹ vergiehen offenlich an disem brief || vnd kunden allen den, die^b) disen brief sehent, lesent oder ho^erent, das wir alle gemainlich vnserm genaeden^a) herren von gotes genaden apt Hiltpolt von sant Gallen² gesworn haben als dienstman vnd als burger von sant Gallen vnd allen sinen nachkomen iemmer mere sweren sulen als dienstlute vnd als burger von sant Gallen, vnd das diz war sige vnd staete belibe, dar vmbe so geben wir vmserm^a) genaedigen herren apt Hiltplt.^c) da vor genemte, dem gotzhus ze sant Gallen vnd allen sinen nachkomen disen brief besigelt mit vnser stat insigel ze Wanggen. Diz beschach vnd wart dirre brief geben ze Wanggen, an dem samstag vor palmarum dem naechsten, do man zalt von gotes geburte druzehen hundert iar vnd dar nach in dem vierden vnd zwainzegesten jar.

Source Fulltext: Chartularium Sangallense V, Nr. 3208, S. 466.