Dilecto filio Johanni nato dilecti filii Johannis de Rinegge¹ canonico ecclesie Episcopaliscelle² Constanciensis diocesis salutem^a). Laudabile testimonium, quod tibi apud nos de probitatis meritis perhibetur, benignius attendentes dignum duximus, ut ad personam tuam apostolice liberalitatis dexteram extendamus. Hinc est, quod nos volentes tibi huiusmodi meritorum tuorum intuitu graciam facere specialem, canonicatum ecclesie Episcopaliscelle Constanciensis diocesis cum plenitudine iuris canonici apostolica tibi auctoritate conferimus et de illo etiam providemus prebendam, vero siqua in dicta ecclesia vacat ad presens vel proxime vacaturam, quam tu per te vel procuratorem tuum ad hoc legitime constitutum infra unius mensis spacium, postquam tibi vel eidem^b) procuratori de illius vacatione^c) constiterit, duxeris acceptandam, conferendam tibi post acceptationem huiusmodi cum omnibus iuribus et pertinentiis suis^d) donationi apostolice reservamus, districtius inhibentes venerabili fratri nostro .. episcopo Constanciensi et dilectis filiis .. preposito et capitulo dicte ecclesie ac illi vel illis, ad quem vel ad quos in eadem ecclesia canonicorum receptio^e) prebendarum collatio provisio^f) seu quevis alia dispositio pertinet communiter vel divisim, ne de illa interim etiam ante acceptationem huiusmodi, nisi postquam eis^g) constiterit, quod tu vel procurator predictus illam nolueritis acceptare, disponere quoquomodo presumant, ac decernentes ex nunc irritum et inane, si secus super hiis a quoquam quavis auctoritate scienter vel ignoranter contigerit acceptari. Non obstantibus de certo canonicorum numero et quibuslibet aliis eiusdem ecclesie statutis et consuetudinibus contrariis iuramento confirmatione sedis apostolice seu quacunque firmitate alia roboratis, aut si aliqui apostolica vel alia quavis auctoritate in eadem ecclesia in canonicos sint recepti vel ut recipiantur insistant, seu si super provisionibus sibi faciendis de canonicatibus et prebendis in dicta ecclesia speciales vel de beneficiis ecclesiasticis in illis partibus generales apostolice sedis vel legatorum eius litteras impetrarint, etiam si per eas ad inhibitionem reservationem et decretum vel aliter quomodolibet sit processum, quibus omnibus preterquam auctoritate nostra in ecclesia ipsa^h) receptis vel prebendas expectantibus in eadem te in ipsius prebende assecutione volumus anteferri, sed nullum per hoc eis quo ad assecutionem aliorum prebendarum et beneficiorum preiudicium generari, seu si eisdem episcopo, preposito et capitulo vel quibusvis aliis communiter vel divisim ab eadem sit sede indultum, quod ad receptionem vel provisionem alicuius minime teneantur et^j) ad id compelli non possint, quodque de canonicatibus et prebendis ipsius ecclesie aliisque beneficiis ecclesiasticis ad eorum collationem provisionem^k) seu quam vis aliam dispositionem coniunctim vel separatim spectantibus nulli valeat provideri per litteras apostolicas non facientes plenam et expressam ac de verbo ad verbum de indulto huiusmodi mentionem et qualibet alia dicte sedis indulgentia generali vel speciali, cuiuscunque tenoris existat, per quam presentibus non expressam vel totaliter non insertam effectus huiusmodi nostre gratie impediri valeat quomodolibet vel differri et de qua cuiusque toto tenore debeat in nostris litteris fieri^l) mentio specialis, aut si presens non fueris ad prestandum de observandis statutis et consuetudinibus ipsius ecclesie solitum iuramentum, dummodo in absencia tua per procuratorem ydoneum et, cum ad ecclesiam ipsam accesseris, corporaliter illud prestes. Nulli etc. nostre collationis provisionis reservationis inhibitionis et constitucionis infringere^m). Dat. Auinione XI kl. maii anno octavo.||
In eundem modum dilectis filiis .. abbati de Cruzelino³ extra muros Constancienses et .. inⁿ⁾ Oeningen⁴ per prepositum soliti gubernari monasteriorum ac .. ecclesie Zurziacensis⁵ prepositis Constanciensis diocesis salutem. Laudabile testimonium etc. usque illud prestet. Quocirca mandamus, quatenus vos vel duo aut unus vestrum per vos vel alium seu alios eundem Johannemvel procuratorem suum eius nomine ex nunc auctoritate nostra in dicta ecclesia Episcopaliscelle recipi facientes in canonicum et in fratrem stallo sibi in choro et loco in capitulo cum plenitudine iuris canonici assignatis, huiusmodi prebendam per nos, ut premittitur, in eadem ecclesia reservatam, si huiusmodi reservationis nostre tempore in dicta ecclesia vacabat^o) vel ex tunc vacavit aut quamprimum eam vacare contigerit, prefato Johanni vel procuratori predicto pro eo post acceptationem huiusmodi cum omnibus iuribus et pertinentiis suis^p) auctoritate predicta conferre et assignare curetis. Inducentes ipsum vel dictum procuratorem pro^q) eo in corporalem possessionem huiusmodi prebende ac iurium et pertinentiarum predictorum^q), et defendentes inductum sibique facientes de ipsorum canonicatus et prebende fructibus redditibus provisionibus iuribus et obventionibus universis integre responsuri. Non obstantibus omnibus supradictis seu si eisdem episcopo, preposito et capitulo vel quibusvis aliis communiter vel divisim ab eadem sit sede indultum, quod interdici, suspendi vel excommunicari non possint per litteras apostolicas non facientes plenam et expressam ac de verbo ad verbum de indulto huiusmodi mentionem. Contradictores auctoritate etc. Dat. ut supra.

Source Fulltext: Chartularium Sangallense V, Nr. 3209, S. 466-468.