Johannes episcopus servus servorum dei venerabili fratri . . episcopo Constantiensi^a)2 salutem et apostolicam benedictionem. Apostolice sedis Providentia circumspecta devotorum laudabiles actio||nes intenta consideratione discutiens illos non immerito^b) amplioris gratia favoris attollit, in quibus uberioris devotionis studia contemplatur. Sane petitio pro par||te dilectorum filiorum^c) . . abbatis et^d) conventus monasterii in Ruti^e)3 Premonstratensis ordinis tue diocesis^f) nobis nuper exhibita continebat, quod prefatum mona||sterium, in quo viget observantia^g) regulari^h), adeoⁱ⁾ tenues et exiles habet redditus, quod prefati monasterii canonici de bonis ipsius hactenus vestiri non poterant, sicut nec adhuc possunt, et alias^k) continue ultra ipsius monasterii facultates tanta^l) hospitalitate gravantur, quod non possunt huiusmodi hospitalitatem ac alia incumbentia eis onera commode^m) supportareⁿ⁾. Quare pro parte ipsorum fuit nobis humiliter supplicatum, ut parrochialem ecclesiam in Tuinbrunnen^o)4 prefate diocesis^f), in qua prefati abbas et conventus ius obtinent patronatus cuiusque redditus et proventus quinque marcharum^p) argenti secundum taxationem decime valorem annuum ut asseritur non excedunt, pro huiusmodi hospitalitate et oneribus supportandisⁿ⁾ eis incorporare annectere perpetuo et unire de benignitate apostolica dignaremur. Quia vero de premissis notitiam non habemus, fraternitati tue, qui de premissis notitiam habere poteris pleniorem, per apostolica scripta mandamus, quatinus, si est ita, prefatam parrochialem ecclesiam dicto monasterio auctoritate nostra impertuum^q) unias et annectas, ita quod post annexionem et unionem huiusmodi cedente vel decedente eiusdem ecclesie rectore^r) liceat dictis abbati et conventui auctoritate propria diocesano^s) loci vel cuiusquam alterius licentia et assensu minime requisitis prefate parrochialis ecclesie possessionem apprehendere et illam^t) in usus proprios perpetuo retinere, reservatis de ipsius ecclesie proventibus perpetuo^u) vicario in ea^v) virtutum domino servituro^w) portione congrua, ex qua commode^m) sustentari valeat ac episcopalia iura solvere aliaque incumbentia sibi onera supportareⁿ⁾. Contradictores auctoritate nostra appellatione postposita compescendo^m). Non obstantibus, si aliqui super provisionibus sibi faciendis de huiusmodi vel aliis ecclesiis in dicta Constantiensi^a) diocesi^f) spetiales vel de beneficiis ecclesiasticis in illis partibus generales predicte^x) sedis vel legatorum eius litteras impetrarint^b), etiam si per eas ad inhibitionem reservationem et decretum vel alias quomodolibet sit processum, quas litteras et processus earum auctoritate habitos, si est ita, ad dictam parrochialem ecclesiam volumus non extendi, sed nullum per hoc eis quo ad assecutionem aliorum ecclesiarum et beneficiorum preiudicium generari, seu si quibuslibet litteris et indulgentiis apostolicis generalibus vel spetialibus quorumcunque^y) tenorum existant, per que effectus presentium impediri^b) valeat quomodolibet vel differri et de quibus quorumque totis tenoribus habenda sit in nostris litteris mentio spetialis. Nos enim, si est ita, exnunc irritum decernimus et inane, si secus super hiis a quoquam quavis auctoritate scienter vel ignoranter contigerit^z) attemptari. Dat. Auinione, XIIII kl.^aa) maii, pontificatus nostri anno quartodecimo^ab).

Source Fulltext: Chartularium Sangallense VI, Nr. 3409, S. 77-78.