Dilecto filio Vlrico de Lomberg canonico ecclesie sancti Stephani Constanciensis¹ etc. Attributa tibi merita probitatis, super quibus laudabile tibi testimonium perhibetur, exposcunt, ut personam tuam apostolice provisionis gratia prosequamur. Volentes itaque tibi premissorum intuitu gratiam facere specialem, canonicatum ecclesie sancti Stephani Constanciensis cum plenitudine iuris canonici apostolica tibi auctoritate conferimus et de illo et providemus, prebendam vero, si qua in dicta ecclesia vacat adpresens vel proximo vacaturam, quam per te vel procuratorem tuum ad hoc specialiter constitutum infra unius mensis spacium, postquam tibi vel eidem procuratori de illius vacacione constiterit, duxerit acceptandum etc. ut in XXX superiori usque venerabili fratri nostro . . episcopo Constanciens² et dilectis filiis capitulo dicte ecclesie seu illi vel illis etc. usque illud prestes. Nulli ergo etc. nostre collationis provisionis reservationis inhibitionis et constitutionis infringere etc. Dat. Auinione, XIIII. kal. maii, anno XIIII.||
§ In eundem modum dilectis filiis . . abbati in Ruti et . . preposito in lttingen per prepositum soliti gubernari monasteriorum Constantiensis diocesis ac magistro Nicolao de Fractis canonico Patracensi litterarum nostrarum correctori salutem etc. Attributa dilecto filio Vlrico etc. usque illud prestes. Quocirca mandamus, quatinus vos vel duo aut unus vestrum per vos vel alium seu alios eundem Vlricum vel procuratorem suum eius nomine exnunc auctoritate nostra in dicta ecclesia retineri facientes in canonicum et in fratrem stallo sibi in choro et loco in capitulo ipsius ecclesie cum plenitudine iuris canonici assignatis huiusmodi prebendam per nos ut premittitur in eadem ecclesia reservatam, si tempore huiusmodi nostre reservationis in dicta ecclesia vacabat vel extunc vacavit aut quamprimum illam inibi vacare contigerit, prefato Vlrico vel procuratori predicto pro eo post acceptationem huiusmodi cum omnibus iuribus et pertinentiis suis auctoritate predicta conferre et assignare curetis, inducentes eum vel dictum procuratorem pro eo in corporalem possessionem huiusmodi prebende ac iurium et pertinentiarum eius et defendentes inductum sibique facientes de ipsorum canonicatus et prebende fructibus redditibus proventibus iuribus et obventionibus universis integre responderi. Non obstantibus omnibus supradictis, seu si eisdem episcopo et capitulo vel quibusvis aliis comuniter vel divisim ab eadem sit sede indultum, quod interdici suspendi vel excommunicari non possint per litteras apostolicas non facientes plenam et expressam ac de verbo ad verbum de indulto huiusmodi mentionem. Contradictores auctoritate nostra etc. Dat. ut supra.

Source Fulltext: Chartularium Sangallense VI, Nr. 3411, S. 80.