Nos Ludowicus dei gracia marchio Branneburgensis¹ ad universorum noticiam tenore presencium volumus pervenire, quod, || cum serenissimus princeps dominus et genitor noster karissimus Ludowicus Romanorum imperator semper augustus ex iustis causis et || racionabilibus pro evidenti sacri imperii commodo et utilitate matura consiliariorum suorum deliberacione prehabita civitates videlicet || Thu^eregum, Schaffhusam, apud sanctum Gallum et Rynuelden castrum cum civitate cum ipsarum pertinenciis et iuribus universis illustribus principibus dominis Alberto et Ottoni ducibus Austrie et Styrie ac heredibus ipsorum in viginti milibus marcarum argenti Constanciensis ponderis titulo veri pignoris duxerit obligandas, prout in ipsius domini imperatoris litteris plenius continetur², a nobisque tam ex parte domini nostri imperatoris quam ducum predictorum, cum in talibus noster merito sit consensus requirendus, cum instancia extiterit petitum, ut eandem obligacionem proinde factam ratificare et approbare nostris litteris vellemus, nos ipsorum in hac parte iustis requisicionibus annuere non immerito, cum huiusmodi obligatio de nostro consilio processerit, cupientes, obligacionem dictarum civitatum sub modis condicionibus et clausulis in prefati domini imperatoris litteris plenius expressis tamquam princeps et coelector ipsius sacri imperii ratam habemus et gratam eamque de nostri consensus et assensus plenitudine approbamus, ratificamus et presentis scripti patrocinio confirmamus harum, quas sigillo nostro communiri fecimus, testimonio litterarum. Dat. in Augusta, die beate Katherine virginis, anno domini millesimo CCC° tricesimo.

Source Fulltext: Chartularium Sangallense VI, Nr. 3437, S. 100.