Wir Albrecht vnd Otte von gottes gnaden herzogen ze O^esterich¹ vnd ze Styr tůn kvnt allen den, die disen || brief ansehent oder ho^erent lesen, vnd veriehen offenlich, wan vnser vo^egte vnd pflegere ze Turgo^ei, ze Ergo^ei, ze || Svntgo^ei, ze Elsaze vnd ze Brisgo^ei vnd vnser stette vnd ander vnser lúte, die in den vorgenanden lendern || vnd gebieten gesessen vnd wonhaft sint, nach vnserm heissenne vnd rate ein buntnv´sse vnd lantfride gemachet hant mit einander vnd ovch die stette Basel, Costentz, Zúrich, sant Gallen, Berne, Solotter vnd Friburg in O^echtelanden vnser stat mit den vorgenanden vnsern vo^egten vnd lúten vnd stetten durch vnser bette mit in die vorgeschribenen bvntnv´sse vnd lantfride gesworn hant ze haltenne mit allen gedingen, als die brieve² stant, die dar v´ber geben sint, vnd wan dv´ bvntnv´sse vnd lantfrid nach vnserm heissenne, rate vnd bette volfu^ert ist, als vorgeschriben stat, so loben wir beide an disem brieve, das wir die bvntnv´sse vnd lantfrid mit keinen dingen die jarzal vs, als die bvntbrieve geschriben stant, zerdrennen sv´ln, vnd besteten ovch die bvntnv´sse vnd lantfrid vnd loben si ovch stete ze habenne, so verre vns vnd vnser vo^egte ze vnsern wegen vnd vnser lúte von vnsern wegen ru^erent. Vnd her v´ber et c.

Source Fulltext: Chartularium Sangallense VI, Nr. 3520, S. 168.