Wir graue Kraft von Toggenburg bropst der kilchen Zúrich¹ in Costenzer bistom kúnden allen, die disen brief se||hent oder ho^erent lesen, das wir durch v´nser vnd v´nser vorderen selen heiles willen vnd das gottes dienst gemeret || werde, vnsern wingarten, den man nemmet Witental² vnd gelegen ist am Immenberg³ vnd stosset einhalb dar an Eppen win||garte von der Rúti⁴ vnd anderenthalb an Johans rebe^a) von Múnchwile⁵ wingarten, den Walther der Lange buwet, vnd v´ns eigenlich mit aller ehafti anhorte, geben vnd geben haben luterlich durch got an die priester pfrůnde des gotzhuses ze Maggenowe⁶ vnd dem priester, der der frowen capelan danne ist, eweklich ze niessenne ane alle widerrede v´nser erbon, vnd wen, das weder abt⁷ noch ebtischin des vorgenanden gotzhus ir kapelan, der danne ist, an dem selben wingarten noch an anderen gu^etern, dú wir an die pfrůnde vorgenant geben haben oder noch geben hinnanhin, niemer bekúmberren noch beswerren mit worten noch mit werchen an geistlichem noch an weltlichem gerichte, wan das sú ir capelan lassen sin gúlte niessen nach dem, als er wennet, das es im nútze si, vnd das dú ebtischin ir conuent vnd ir abt sich da zů binden vns mit ir offennen briefen⁸. Vnd dar vmb enzichen wir v´ns an disem briefe fúr v´ns vnd v´nser erben alles rechtes, aller vorderunge vnd ansprache, so wir iemer gehan oder gewinnen mo^echtin oder v´nser erben an den vorgeschriben wingarten an geistlichem oder an weltlichem gerichte, vnd haben o^vch dis getan gesunt an libe vnd an můte. Vnd ze einem offen vrkúnde alles des, so vorgeschriben stat, geben wir disen brief besigelt mit v´nserm ingesigel offenlich. Dis geschach vnd wart o^vch dirre brief geben Zúrich, do man von gottes gebúrte zalte drúzehenhundert iar, dar nach in dem fúnften vnd drissigosten iare, an vnsers herren fronlichamen tag. Wir haben o^vch erbetten v´nser lieben vettern grauen Friderich vnd grauen Dietheln von Toggenburg⁹, das sú ir gunst habent geben ze dirre sache. Wir graue Friderich vnd graue Dietheln von Toggenburg veriechen, was da vor von v´ns geschriben stat, das das war ist vnd geschehen ist mit v´nser gunst vnd willen, vnd dar vmb durch v´nsers lieben^b) vettern bette henken wir v´nsrú ingesigel an disen brief an dem tag vnd der stat der vorgeschribner iarzal.

Source Fulltext: Chartularium Sangallense VI, Nr. 3586, S. 210-211.