Ego Nicolaus de Borinsriet¹ burgensis in Berno² notum facio universis presentibus et futuris, quod ego non vi coactus nec dolo seductus || sed sciens sanus et spontaneus pro centum libris denariorum in Berno usualium et bonorum ab V^olrico dicto Kúrsenner de Búrren³ cive || in Berno michi integre persolutis et versis in usus meos in pecunia numerata vendidi et titulo perfecti et irrevocabilis feodi enphi||theotici dicti in vulgari ze erblen tradidi vendo et trado tenore presentium eidem V^olrico Kúrsenner duas tertias partes decime de Múlidorf⁴ parrochie de Êtingen⁵, ubi residua tertia pars dicte decime ad capellam de Múlidorf dinoscitur pertinere, ab ipso V^olrico Kúrsenner et a suis heredibus utriusque sexus tam feminini quam masculini predicta vendita titulo quo supra tam in annona feno decimis minutis seu nascencium dictis vulgariter jungizenhenden quam in rebus et cum omni iure utilitate servitute et pertinenciis universis exnunc habenda possidenda et utenda libere pacifice perpet(ualiter)^a) et quiete, devestiens igitur me et heredes meos de predictis venditis dictumque V^olricum Kúrsenner suo et heredum suorum nomine utriusque sexus de eisdem corporaliter investio per presentes. Ipse vero V^olricus et sui heredes predicti dare debent annis singulis in futurum in autumpno . . procuratori curie de Rorbach⁶ quatuor solidos denariorum in signum, quod dicta vendita de sancto Gallo in enphitheosim haberi debent, et promitto fide data pro me et meis heredibus ego Nicolaus de Borinsriet predictus dicto V^olrico Kúrsenner et suis heredibus utriusque sexus, ubicumque vel coram quibuscumque necesse habuerint in iudicio vel extra canonico vel civili expensis propriis de predictis venditis bonam et perpetuam warandiam ferre contra omnes personas ecclesiasticas et seculares et cavere de evictione, quandocumque et quotienscumque ab ipsis super hoc moniti fuerimus et requisiti, me et heredes meos insolidum sibi et suis heredibus ad ratihabitionem omnium premissorum debitores et fideiussores firmiter obligando renuntiandoque omni iuri et iuris subsidio, per que predicta subscripta aut aliquod eorundem possent impediri cassari aut aliqualiter revocari, iurique dicenti generalem renuntiationem non valere, nisi precesserit specialis. Testes horum sunt Johannes Hofman, Petrus de Wengi⁷, Johannes de Múnsingen⁸ frater suus, Burch. de Borinsriet, Johannes zer Flů, Michahel de Borinsriet burgen(ses) in Berno et alii. Et in predictorum omnium testimonium ego dictus Nicolaus de Borinsriet rogavi dominum Johannem de Bůbemberg⁹ seniorem militem scultetum in Berno et V^olr. de Gysenstein¹⁰ notarium ibidem, quod sua sigilla pro me hiis literis appenderunt. Dat. die iovis infra octavam festi penthecostes, anno domini M°.CCC°. tricesimo octavo.

Source Fulltext: Chartularium Sangallense VI, Nr. 3688, S. 279-280.