Wir Eberhart vnd V^olrich gebrůder von Aspermont¹ veriehent offenlich an disem brief, daz || wir ainez rehten redlichen ko^vffez ze ko^vffenn hant gegeben dem edeln herren graf Fridrich || von Toggenburch² vnd vogt V^olrich von Ma^etsche³ vnd ir erben von dem stain Sazzfryde⁴, || der vor Vragenstain⁵ gelegen ist, dannan hin in Brettengo^ew⁶ hin in allez, daz wir ge erbet hant von v´nserm vettern sa^elgen hern V^olrich von Aspermont⁷, livt vnd gu^eter, twing vnd ban, aigen, lehen mit aller ehafty an wasser an waide an holtz an velde, vnder erd ob erd, besůcht vnd vmbesůcht, svnderlich vnd gemainlich, allez daz wir in Brettengo^ew hant, mit allen rehten gewonhaiten vnd nútzen, benemt vnd vngenemt, ane die alppe Stúrfiz⁸ vnd Wernhern amman ze Mayienfelt⁹, vmb tusent phund phennig Cost(enzer) múnze, der wir von in gewert sint vnd in v´nsern nutze bekeret. Vnd verzihent v´ns aller rehten gewonhait vorderung vnd ansprach, die wir v´nser erben oder nachkomen nv vnd her nach gewinnen mo^ehten an weltlichem vnd gaistlichem gerihten. Ze vrkúnd ainer warhait geben wir disen brief besigelt mit v´nsern ingesigeln. Der geben wart an sant Niclaus tag, do man zalt von gotz gebúrtte drivzehen hundert jar, dar nach in dem ahtendem vnd drizzigostem jar.

Source Fulltext: Chartularium Sangallense VI, Nr. 3697, S. 286.