Wir graf Fridrich von Toggenburg¹ kunden vnd veriehen offenlich mit || disem brief, das wir bi dem aid, den wir vnserm gnedigen herren bischof Vlrich || von Chur² von sinen lehen gesworn hand, vns sond eruaren hinnan ze sant || Jacobs tag dem nehsten, ob das tal Tafaus³ vnd Valkenstain dú burg⁴ vnd ander dehain gůt von dem vorgenanten vnserm herren lehen si oder sin vnd des gotzhus aigen si vnd das im von vnsers swehers tod hern Donatz seligen von Vatz⁵ geuallen si, so sollen wirs von im enpfahen ze lehen vnd sol er vns och lihen, wer aber, das wir des nut eruu^erend in dem vorgenanten zil^a), wenne er denne wil, so sv^ellen wir im vnuerzogenlich ains rehten dar vmb corsam sin vor dem erwirdigen ritter hern Johans von Halwille⁶ pfleger in Sungo^e7, der vnser gmainer man dar vmb sol sin, oder den er vns git ain gmainen an sin stat, ob er dar zů komen nit^b) mag, zů dem wir vnd vnser vorgenemter herr bischof Vlrich von Chur ietweder zwen sond geben, vnd was er vns anbehebt mit dem rehten, das sollen wir volleuu^eren, als die vier vnd den funften oder den meren tail vnder in reht dunkt. Vnd des ze vrkund so geben wir disen brief besigelten mit vnserm insigel. Dirre brief wart geben ze Wesen⁸, do man zalt von gotz geburt druzehenhundert iar, dar nah in dem aht vnd drisgosten iar, an dem fritag nah sant Nicolaus tag.

Source Fulltext: Chartularium Sangallense VI, Nr. 3699, S. 288-289.