Allen den, die disen gegenwu^ertigen brief an sehent oder ho^errent lesen, veriehen wir Růdolf kilcher ze Ro^vschach¹ vnd Růdolf von Roschach kilcher ze || Herisow² geprůder des júngern her Eglofs von Ro^vschach³ ritters sún vnd tůnd ze wissent, das wir baid anhellenclich gesunt lips vnd můtes || mit wisem rât vnd mit gůter betrahtung fúr v´ns vnd all v´nser erben reht vnd redlich ze ko^vffent gegeben ha^vnt dem erwirdigen fúrsten || vnserm gena^edigen herren byschoff V^olrichen ze Costentz⁴ vnd sinem gotzhus ze Costentz das gůt ze Casteln⁵ vnder der linden gelegen, das wilont Cůnratz am Akker was, mit allen sinen rehten vnd gewonhaiten, mit aller ehafti vnd mit allen sinen zůgehorden, vnd des Beltzes hof, der gelegen ist ze Casteln ennont dem tobel, ouch mit allen rehten gewonhaiten, mit aller ehafti vnd mit allen zůgeho²rden, dú baidú gu^eter wir von im vnd von sinem gotzhus ze Costentz ze lehen gehept ha^vnt, vmb fúnfúvndfúnftzig phunt phenning gůter vnd gena^emer Costentzer múns, der v´ns der vor genant herr byschoff V^olrich an barem gezaltem gůt nâch v´nserm willen gar vnd ga^entzlich gewert ha^vt vnd berihtet, vnd die wir an v´nsern nutz enphangen hânt vnd gekeret hânt, vnd da von haben wir vorgenanten Růdolf vnd Růdolf geprůder von Roschach mit gehúgd wort vnd werch geba^erd vnd geta^et, die darzů geho^errent na^vch reht alder na^vch gewonhait, v´ns verzigen vnd verzihent v´ns mit disem brief fúr v´ns vnd all v´nser erben alles des rehtes, so wir zů den vorgeda^vhten gu^etern von kainer sach ie gewunnent ald vntz her gehept hânt. Wir habent v´ns ouch verzigen vnd verzihent v´ns mit disem brief aller vordrung, aller vfzúg, alles schirmes, gaistliches vnd weltliches gerihtes, da mit wir oder kain v´nser erbe dem vorgeda^vhten herren byschoff V^olrichen, sinen na^vchkomen oder sinem gotzhus ze Costentz dú selben vorgeschriben gu^eter iemer angesprechen mugent oder si dar an oder dar vf iemer bekúmbern oder bekrenken mo^ehtint. Wir sollint ouch der selben gu^eter ir reht weren sin gen allerma^enlich na^vch reht. Vnd úber a^ellv´ dú vorgeschriben ding ze vestnung vnd ze wârem vrkúnd geben wir die vorgenanten Růdolf vnd Růdolf geprůder von Ro^vschach fúr v´ns vnd fúr all v´nser erben dem obgenanten v´nserm herren byschoff V^olrichen, sinen na^vchkomen vnd sinem gotzhus ze Costentz disen brief besigelten mit v´nsren aignen an hangenden insigeln. Dar zů sint erber lút bi disem kôf gewesen, die sin zúg sint, her Diethelm von Stainegg tůmprobst ze Costentz⁶, her Eglolf von Roschach der elter ritter⁷, Cůnrat von Hof, V^olrich in der Búnd, Jacob von V´berlingen⁸ burger ze Costentz, . . Múnggi, Hainrich Schini vnd ander erber lút vil. Ditz beschach vnd ist ouch dirre brief gegeben ze Costentz in dem ja^vr, do man von Cristes gebu^ert zalte drúzehenhundert ja^vr vnd dar na^vch in dem ahtvndviertzigosten ja^vr, an dem na^ehsten samstag na^ech sant V^olrichs tag.

Source Fulltext: Chartularium Sangallense VII, Nr. 4092, S. 24-25.