Wir grave Johs. von Habspurg, grave Rv^od. vnd grave Go^etfrit von Habspurg¹ brv^odere tv^on mangeliche(m)^a) offenlichen kvnt || mit disem brieve, als der erwirdig herre abt Chv^onr. von Einsidellen von mir graven Johs. von Habspurg an libe an || gv^ote vnd an der burg ze Pfeffinkon grosseklich geschadeget wart, vnd durch daz der selbe . . abt vnd sin gotzhvs des || schaden in ettelicher masse ergetzet werden, so nemen wir in vnd sin gotzhvs, sin lv´te vnd sine gv^eter in vnsern schirn ze schirmen ze helfenne vnd ze ratenne an den stetten, da wir gewalt vnd mvgent haben, mit gv^oten triwen ane alle geverde. Dar zv^o loben wir alle drije gemeinlich vnd vnverscheidenlich fv´r vns vnd fv´r vnser erben, die wir her zv^o binden, durch daz got vnd sin mv^oter an vns vnd an vnsern vorderen dester fv´rbaz v´ber sehen, ob wir daz gotzhvs ze den Einsidellen îe haben genossen ald geschadeget wider dem rechten, daz wir den vorgenanden abt vnd alle sin nachkomen von hinnanhin iemer mere vnbekv´mbert svln lassen an allen den rechten, so daz selbe gotzhvs von Einsidellen hat in der stat ze Rapreswile oder vor der stat, in den do^erfern vnd allenthalben in dem lande, da wir vnd vnser amptlv´te ze gebietenne haben, es si an lv´ten, an gv^etern, an twingen, an ba^ennen, an vrteilden, an erbenne der lu´ten, an fellen, an vngenossami, an vertvngen ligender gv^eter, an lehen vnd an allen friheiten vnd rechten, so er vnd daz gotzhvs vntz her hant bracht, vnd svln wir vnd alle vnser erben vnd nachkomen, in wes hant vnd gewalt vnser herschaft iemer komt, daz selbe gen dem gotzhvs ze den Einsidellen stete haben vnd einen ieglichen . . abt des selben gotzhvs bi den rechten lassen beliben vnd mit vns selben noch mit vnsern vo^egten noch mit enkeinem^b) gewalte noch mit enkeinem gerichte geistlichem noch weltlichem noch mit enkeinen andern Sachen twingen, tro^engen, vfsetzen noch aberchen^c) noch enkeinen schaden mere tv^on, wan daz wir vnd vnser erben vnd nachkomen einen . . abt vnd sin gotzhvs schirmen vnd bi den rechen^c) svln beliben lassen, so si vntz her gehebt hant vnd des gotzhvses versigelten brieve vnd ro^edel bewisent ane alle geverde. Vnd her vmb ze einer sicher trostvng vnd ze einer stetekeit diser stvken, so wir einem^d) abte vnd dem gotzhvs von Einsidellen mit disem brieve geben vnd mit worten gevestet haben, so han wir alle drije vnser lieben getriwen den . . rat vnd . . die burgere von Rapreswileze rechten^e) tro^estern geben vmb dis sache vnd mit vns war vnd stete ze lassenne alles daz, so mit worten vor bescheiden ist. Vnd her v´ber ze einer getriwen warnvng vnd ze einer stetekeit ewiges vrkv´ndes so han wir drije graven vnd o^vch vnser burgere vnd stat von Rapreswile disen brief mit vnsern insigeln offenlich besigelt. Wir . . der vogt . . der rat vnd . . die burger ze Rapreswile vergehen einer warheit der stvken, so vor von vns geschriben stant, vnd dar vmb ze einem ewigen vrkv´nde vnd steten sicherheit so han wir von der vorgenanten vnser herren der . . graven heissens vnd bette wegen vnser stat ze Rapreswile insigel offenlich gehenket an disen brief. Diser brief wart geben Zv´rich an dem nechsten dornstag nach sant Johs. tag ze sv´ngichten in dem jare, do man von gottes gebv´rte zalte drv´cehen hvndert vnd viertzig jar vnd dar nach in dem achtoden jare.

Source Fulltext: Chartularium Sangallense VII, Nr. 4091, S. 23-24.