Wir graf Albrecht von Werdenberg der elter¹ kunden vnd veriehen offenlich an disem brief allen den, die in an sehent || ald horent lesen, daz vns der wol beschaiden ritter her Purghart von Ramswag² den tůren ze Platten³ inge||antwurt hat vnd vs dem va^er ze Platten fierdhalf pfunt geltz ze niessen, alz hienach geschoben stat, daz wir vnd || vnser erben den tu^eren ze Platten vnd du vierdhalb pfunt geltz vs dem var funf jar niessen sullint nach dem tag, alz diser brief geschriben ist, also beschaidenlichen, daz der vorgenant her Púrchart von Ramswag ritter vnd sin erben, ob er enwer, den vorho^vf ze Platten niessen sullint vnd innan habin sullint du funf jar, vnd sullint wir nach vnser erben in nach sin erben nit dar an sumen nach irren, vnd nach den funf jaren sullint wir graf Albrecht von Werdenberg der elter oder vnser erben, ob wir enwerent, im dem vorgenanten Purcharten von Ramswag ritter oder sinen erben, ob er enwer, den turen ze Platten vnd du vierdhalb pfunt geltz vs dem va^er ze Platten ledig vnd lo^es in antwurten an allen iren schaden, vnd han a^euch dez ainen gelertten ait ze den hailigen gesworen, daz wir war vnd sta^et lassen alz, daz von vns vnd vnsern erben an disem brief geschriben sta^et. Dez zu ainer merer sicherhait hengen wir graf Albrecht von Werdenberg der elter vnser aigen insigel an disen brief. Der geben ist ze Rinneg⁴ in der stat in dem jar, da man zalt von Cristes geburt dru^ezehen hundert jar vnd acht vnd viertzig jar, an der nechsten mitwuchen vor sant Martins tag.

Source Fulltext: Chartularium Sangallense VII, Nr. 4101, S. 33-34.