Allen^a) den, die disen gegenw´rtigen brief an sehent lesent oder ho^erent lesen, tůn ich Wernher von Hôrn||berg¹ kunt vnd vergihe offenlich an disem brief fúr mich vnd fúr alle min erben, dz dú burg || genant Schneberg^b)2 gelegen in Brîsgo^e3 vnd der houe gelegen vnder der selbun burg baidú || min reht aygen warent, vnd dz ich mit wisem rât vnd mit gůter beschaidenhait durch got die aygenschaft der obgenanden burg vnd des houes reht vnd redelich vnd och ledeklich v^f geben han vnd gib si och vf mit disem brief an des êrwirdigen mines gena^edigen herren hand abt Herrn ans des gotzhuses ze sant Gallen⁴ ze des selben gotzhuses handen, vnd entzihe mich mit disem brief aller der aygenschaft, so ich ald min erben an der vorgescribenun burg vnd an dem houe ie hettunt ald gewnnent von reht ald von gewonhait. Vnd ze merer sicherhait aller vorgescribener ding, dz dú sta^et vnd war sient nu vnd hie nach, so hen^c) ich min insigel fúr mich vnd fúr min erben gehenket an disen brief. Dis geschah vnd wart dirre brief geben ze Wile⁵ in der stat an dem na^ehsten fritag nach aller hayligen tag, do man zalte von gottes gebúrt drútzehenhundert jare, dar nach in dem nún vnd vierzigosten jare.

Source Fulltext: Chartularium Sangallense VII, Nr. 4148, S. 73.