[Allen den, die disen] brief an sehent lesent oder ho^erent lesen, kúnden wir Hainr. von Mageltsperg¹, frow Margareth || [des vorgenanten Hainrich]s elichú můter vnd fro Anna sin elichú swester vnd veriehint offenlich an disem brief fúr v´ns vnd || [v´nnser erben, als v´nns] die erberen gaistlichen frowan dú abtischenne vnd der conuent gemainlich dez gotzhus ze Magge||[now² des ordens von] Cytel ze rehten gemaindern genomen hant v´ber daz gůt, daz da haisset der Mageltsperger gůt, [litt in Turgo^ew³ zu Sch]warzenbach⁴, sol man wissen, daz wir vnd alle vnser erben nu vnd hie nah iemerme die vorgenanden [gaistlichen frowen von] Maggenow alle ir nahkomen dehaines weges an ir tail dez vorgenanden gůtes bekúmbern [sumen nach irren so^ell]int, won sú vollen gewalt haben sont ân fúrzug vnd âne alle widerred, iren tail dez vorgenanten [gůttes ze verkouffen z]e versetzen^a) vnd da mit ze werbenn vnd ze tu^ent, als es inan wol kunt fu^eget vnd gerne tůnt, [dar an wir vnd all]e v´nser erben sú vnd alle ir nahkomen niemer bekúmberren so^ellin lútzel noch vil mit worten [nach mit werken] mit gaistlichen noch weltlichen gerihten noch ân geriht. Vnd ze offenem waren sta^eten v´rkúnt [alles des, so hie vor]geschriben ist, so hab ich der vorgenant Hainrich von Magelsperg disen brief offenlich besigelt mit [minem aignen insige]l. Wir die vorgenanden frow Margareth vnd frow Anna von Mageltsperg, won wir aigeni^b) [insigel nit enhaben], verbinden v´ns ze ainer merer sicherhait vnd vmb ain warhait aller der ding, so da vor an^b) [disem brieff geschri]ben stant, vnder dez vorgenanden Hainrichs insigel von Mageltsperg. Dirre brief geben ist an dem [na^echsten zinßtag n]ach sant Michels tag, do man zalt von gottes gebúrt drúzehen hundert jar, vierzig iar vnd [dar nach in dem]^c) núnden jar.

Source Fulltext: Chartularium Sangallense VII, Nr. 4141, S. 66-67.