Wir Klara von gottes odenvng^a) ebtischin vnd der conven^a) gemeinlich des klosters ze Wurmspach¹ in Kostentzer bistv^om kv´nden || allen den, die disen brief sehent oder ho^erent lesen, vnd veriehen offenlich, daz wir von der wisen, so gelegen ist ze Herdiberg² vnd || Wissen Flv^o3 heisset, vnd o^vch von einer halben jvchert reben, ist gelegen in Grinis Halden⁴, so vns an komen sint von Rv^od. Spiller seligen || bvrger Zv´rich⁵, daz wir da von der selben wisen vnd o^vch von der jvchert reben ierlich ze sant Andres tvlt Annen meister Rv´schlis seligen tochter dri mv´t kernen Zv´richer messes vsrichten vnd geben svln alle die wile, so si lebet, an alle widerrede, vnd sol vns da wider nicht schirmen weder gerichte geistlich noch weltliche noch kein ander sache. Man sol o^vch wissen, wanne die selbe Anne erstorben ist, daz danne die vorgeschriben gv^eter vnd die drie mv´t kerne vnserm gotzhvs gar vnd gantzlich ledig svln sin. Vnd her v´ber ze vrkv´nde so han wir beide vnser vnd des conventes insigel offenlich gehenket an disen brief. Der geben wart ze Wurmspach an dem nechsten mentag nach sant Michels tag in dem jare, do man von gottes gebv´rte zalte drv´cehen hvndert vnd vierzig jar vnd dar nach in dem nv´nden jare.

Source Fulltext: Chartularium Sangallense VII, Nr. 4140, S. 66.