Wir Herman von gotz gnaden abt des gotzhus ze sant Gallen¹ tůnd kunt offenlich an disem brieff allen, die in sehend oder ho^erend lesen, das fúr v´ns kam der bescheiden V^olrich von Husen² burger ze Costentz mit Johansen von Husen sinem vettern burger ze Wil³ vnd mit Vrselen des vorgenanten Joh. schwester Johans der^a) A . . . ^b) elichen wirtinen burger ze Costentz, vnd fůgt vnd machet da der vorgenant V^olrich von Husen offenlich vor v´ns mit v´nser hand gůten willen vnd gunst den vorgenanten Johansen sinem vettern vnd Vrsulen siner Schwester beiden gemeinlich vnd vnuerscheidenlich ze Husen den zehenden mit allen rechten nútzen vnd gewonheiten vnd mit aller zůgehord, den er von v´ns ze lehen hatt, ze einem rechten gemecht vnd in gemechtz wise, vnd ist dis gemecht recht vnd redlich beschehen vnd volfu^ert mit allen den worten vnd werchen, so dar zů horten vnd notdurftig waren, als es von recht vnd gewonheit krafft hat vnd haben sol. Vnd ze vrk(únd) henken wir abt Herman v´nser insigel an disen brieff. Der geben ist an fritag nach sant Agnesen tag anno domini M°CCC°L°.

Source Fulltext: Chartularium Sangallense VII, Nr. 4159, S. 83.