Wir Hêrman von gottes gnâden abt des gotzhus ze sant Gallen¹ veriehent vnd tu^en || kunt mit disem brief allen, die in ansehent lesent oder ho^erent lesen, das fúr v´ns kam || Cůnrat von Beringen² vnd gab v´ns v^f an v´nser hand den hof, den man memmet^a) Hainis || hof am weg von Êschain³, der in von sinem vatter sa^eligen anerstorben was vnd von v´ns vnd v´nserm gotzhus lêhen ist, vnd batt v´ns den selben hof ime, Elizabethen, Adilhaiden vnd Margareten sinen swesteran allen gemainlich lihen. Do erhorten wir sin ba^ette vnd lúhent den vorgeschriben hof mit allen rehten vnd mit aller zůgeho^erd dem vorgenemten Cůnrat von Beringen, Elizabethen, Adilhaiden vnd Margareten sinen swesteran allen gemainlich vnd vnuerschaidenlich vnd lihent mit disem gegenwúrtigen brief ze rehtem lêhen vnd ze ainer rehten gemaind. Vnd ist dis alles beschehen vnd vollefu^ert mit allen den worten vnd werken, so von reht vnd von gewonhait darzů gehorten vnd notdúrftig wârent. Vnd ze offenem wârem vrkúnd vnd sta^eter sicherhait aller der vorgeschriben ding henken wir v´nser insigel an disen brief. Der geben ist ze sant Gallen, do man zalt von gottes gebúrt drúzehenhundert jar vnd darnach in dem fúnfzigosten jar, an dem na^ehsten fritag vor sant Laurencis tag.

Source Fulltext: Chartularium Sangallense VII, Nr. 4183, S. 101-102.