Allen, die disen gegenwúrtigen brief ansehent alder ho^erent lesen, kv´nde ich Cv^onrat der Kesseler von Zukkenriete¹ vnd || vergihe offenlich an disem brief vmb den sto^vss, den ich da her gehebt hab mit den erwirdigen minen gna^edigen gaischelichen frowen || der a^ebtissinne vnd dem conuente dez gotzhus ze Maggnôwe² von der gelúbde wegen, so ich inen tet vnd getan hab, das ich || inen weder mit lip noch mit gůt niemer flúhtig noch abtrúnig solte werden, als ich mich mit rehter vergiht mit minem offen brief³ gen inen verbunden hab, den si noch von mir inne hant vnd besigelt ist mit hern Amors insigel von Luterberg⁴ ains ritters. Darvmb bin ich mit inen lieplich vnd gu^etlich verriht vnd verainbert also vnd mit der beschaidenhait, das ich inen gelobt vnd mich des verbunden hab, das dv´ selb vergiht vnd alles, das an dem selben brief geschriben stat, den ich inen vormals v´ber mich geben hab, als vor ist beschaiden, êweclich sta^et vnd gântz beliben sol in allem dem reht vnd gedinge, als der s[elb]^a) brief offenot, vnd das ich da wider niemer komen noch getůn sol mit kainen dingen noch mit kainer slaht sache, vnd svnderl[ich ha]b^a) ich inen gelobt vnd mich des gen inen verbunden, wenne sich dv´ fv´nf jar ergangen hant, dv´ ich mit wesent ze Bischofzelle⁵ si[n]^a) sol, als ich gelobt hab, so sol ich danne dannach niendert me mit wesent sin noch beliben âne der vorgenanten miner ffrowan von Magnow willen vnd gvnst noch âne ir vrlob. Vnd ze warem vnd offeme vrkv´nd vnd sta^eter sicherhait alles des, so hie an disem brief vnd och an dem erren brief, den ich vormals v´ber mich geben hab, geschriben stat, gib ich der vorgenant Cv^onrat der Kesseler von Zukkenriet den obgenanten minen frowan der a^ebtissinne vnd dem conuente ze Magnowe darv´ber ze merer sicherhait disen brief mit des ersamen ritters hern Johansen von Haidelberges⁶, der ietz vogt ze Bischofzelle ist, vnd mit der selben stat ze Bischofzelle insigeln besigelten. Ich der selb Johans von Haidelberg vogt ze Bischofzelle vnd der rate gemainlich ze Bischofzelle vergehen darnach, das disv´ vergiht vnd bvntnv´st vor vns beschehen vnd vollefu^ert ist, als vor ist beschaiden. Vnd dez zainer warhait haben wir durh bette des selben Cv^nrattes dez Kesselers von Zukkenriête dv´ vorgenanten insigel gehenkt an disen brief. Der ist ze Bischofzelle geben, do man von Cristes gebúrte zalte drv´zehen hvndert jar, darnach in dem ffv´nfzigosten jar, an sant Vitis vnd Modestis abende.

Source Fulltext: Chartularium Sangallense VII, Nr. 4176, S. 96-97.