Allen den, die disen brief an sehent oder ho^erent lesen, kúnd ich V^olr. Crieg¹ vogt vnd wir der ra^vt der stette^a) || ze Raprechtzswile², das vúr v´ns kam swester Margareta Schubingerin mit Růdolf Tannegger ir erkornem vogt, || der ir do ze mal mit vrtail ze ainem erkornen vogt geben wart, vnd vertigot vnd gab mit des selben vog||tes hant ain mut kernen geltes ab dem hus, dz ze Raprechtzswile gelegen ist vor dem spital³, dz man nemmet der Schubingerinun hus, den des selben spitals pfleger vnd die husbrůder nach der vorg(enanten) swester Margar. tode ja^erlich an sant Symons vnd Judas abent geben súllent den vrowan von Wurmspach⁴ úber ir tische, vnd sont ir vnd ir fordern jartzit dar vmb iemerme vf den selben tag erlich bega^vn vnd got eweclich vúr sú bitten. Wa^er o^vch, das die pfleger vnd die husbrůder des vorg(enanten) spitals dz egenant hus lidgon oder verko^vffen welten, so mugent sú den selben mut kernen geltes legen vf ain ander ligentz gu^et, da sin die vrowen von Wurmspach sicher sient a^vn ma^englichs widerrede vnd irrung. Vnd won dis vor v´ns mit des vorg(enanten) vogtes hant beschehen ist vnd als mit vrtail von v´ns vnd andren erberen lúten, die hiervmb gefragot wurdent, vf den aide ertailt wart, dz es nu vnd hie nach craft vnd macht hett vnd wol haben mo^echt, so ha^vn ich der vorg(enant) V^olr. Crieg vogt min ynsigel vnd wir der ra^vt ze Raprechtzswile v´nser statt ynsigel durh der vorg(enanten) erberen lúten beder tail ernstlicher bett willen an disen brief offenlich gehenket. Der geben wart an dem na^echsten dunrstag vor sant Nycolaus tag, do man zalte von gotes geburt drútzehenhundert jar vnd dar nach in dem fúnftzigosten jare.

Source Fulltext: Chartularium Sangallense VII, Nr. 4193, S. 110.