Ich dv´ priorin vnd aller der convent von O^etenbach¹ veriechen offenlich an disen briefe, wer in liset oder ho^eret lesen, || daz wir enphangen hein von dem erwirdigen herren graf Kraft von Toggenbvrg² LX mark silberz, da mit || wir ko^vft haben³ einen hof ze Tachsnern⁴, den man nemet dv´ Gv´ldin hv^obe, der XII stvke giltet, II malter habern || vnd X mv´tte kernen, ze O^erlinkon⁵ IIIJ mv´tte kernen vnd VI mv´tte habern, ze Kloten⁶ I virtel vnd IIII mv´tte kernen vnd ein malter habern, ze Riespach⁷ ein wingarten vnd einen halben mv´tt kernen. Diz geben wir sw^ester Elisabeth vnd sw^ester Svsannen von Spitzenberg⁸ zwein gesw^estren, die in v´nserm kloster v´nser sw^estren sint vnd dez vorgenanden^a) herren grafe Kraftez von Toggenbvrg sw^ester⁹ dochtren sint. Diz allez ze einem almv^osen, die wile si lebent, vnd wenne si beide erstorben sint, so sol diz vorgenande almv^osen dem convente v´ber tisch vallen, alz ez hie geordent ist, ze dez vorgenanden grafen Kraftez jarzit IIII mv´tte kernen, ze ir beider mv^oter jarzit vro Katrinen grevin von Vrobvrg¹⁰ III mv´tte kern vor der vasnacht, daz man den sichen in dem si^echhv^ose gebe, waz die siechmeistrin aller best dvnke, vnd den vastenden sw^estern in dem reventer ein malter habern dez selben tagez, daz man in gebe, waz in den aller trostlichest ist, vnd ze ir vatter iarzit her Eberhartz von Spitzenberg III mv´tte kernen vnd ein malter habern, ze dem ingenden jare IIII mv´tte kernen vnd ein malter habern ir beider sele ze troste vnd allen, den si gv^otez schvldig sint, in v´nser vro^wwen kappellen III mv´t kernen ze einem ewigen liechte, an dem grossen donrstag I mv´t kernen vnd II malter habern vnd waz von dem wingarten kvmt, da mit sol man gv^oten win ko^vffen dez tagez den sw^estren v´ber tisch vnd so man ez mag getv^on ieklicher sw^ester ein wissez simelli, vnd von disem allem sol dv´ sw^ester, dv´ der jarzit phliget, XXX s(chilling) in nemen vnd sol si ellv´^b) jar geben, daz man ein ewig messe habe an dem samstag allen disen selen vnd den diz selen gv^otez schvldig sint, vnd allen glo^vbigen selen zetroste. Vnd daz diz war vnd stete belibe, so gib ich dv´ vorgenande priorin vnd der convent disen brief besigelt mit v´nsern ingsiglen. Diz beschach vnd wart dir brief geben, do man zalte von gottez gebv´rte drv´zechen hvndert jar, dar nach in dem fv´fzgosten jare, an dem samstag vor sant Gallen tag.

Source Fulltext: Chartularium Sangallense VII, Nr. 4187, S. 104.