Allen den, die disen brief an sehent, lesent oder ho^erent lesen, kúnden wir Hylpolt vnd Hans vom Tôsse¹ geuetterren vnd veriehint || offenlich an disem brief, daz wir mit gemainem rât, mit gůter vorbetrahtung Hansen den Langenower von Bussenang² reht vnd || redelich habint verkoffet vnd ze koffen geben fúr aygen dem êrwirdigen herren Johansen abt des gotzhuses ze sant Johanne || in Tûrtal³ sant Benedicten ordens in Costentzer bistům ze des selben gotzhus nutz vnd handen vmb drú pfund vnd vmb sehs schilling pfenning alles gůter vnd gena^emer Costentzer múns, der wir gar vnd gantzlich gewert sient vnd die wir in v´nsern redelichen schinba^ern nutz habint bekeret, vnd habint och baide gelobt mit v´nseren trúwan vnd bindint och v´nser erben vnd nachkomen dar zů mit disem brief, daz wir des vorgescriben koffes vnd des vorgenanden Hansen des Langenowers fúr aygen wern so^elint sin nach reht, wa sin daz vorgenande gotzhus bedarft ald notdúrftig ist, vf gaistelichem ald vf weltelichem geriht dehainen weg, vnd entzihent v´ns mit disem vnd an disem brief aller der reht, vorderung, ansprache, lehenschaft vnd aigenschaft, besatzung^a) vnd vrkúnd, so wir ald v´nser erben ald nachkomen zů dem ald an dem obgenanden Hansen Langenower ie hettunt ald gewnnent ald wir hie dar zů immer han ald gewinnen mugint ald mo^ehtint von reht ald von gewonhait ald ane reht dehainen weg. Vnd ze merer sicherhait aller vorgescribener ding henken wir v´nserú insigel an disen brief. Dis geschach vnd wart dirre brief geben ze Wil⁴ in der stat, an dem na^ehsten zinstag nach sant Michêls tag, do von gottes gebúrt warent drútzehenhundert jare, dar nach in dem fúnfzigosten jare.

Source Fulltext: Chartularium Sangallense VII, Nr. 4185, S. 102-103.