Wir Karl von gots genaden Romischer kung ze allen ziten merer des richs vnd kung ze Beheim bekennen offen||lichen mit disem gegenwertigen brief vmb die stiv´r, die vns von disem hiúrigen jar . . die rat vnd dú || stat zu sant Gallen vns vnd dem rieh schuldig seint ze geben, daz wir die selben gewonlichen stiv´r von disem || jar gegeben vnd verschaft haben vnserm lieben getrewen Hartmann dem Meir von Windegg¹. Da von heizzen die selben burger von sant Galln gemeinlichen, daz si die selben stiúr von disem jar geben dem egenanten Hartmann Meir von Windegg, vnd wann si im die selben stiv´r gegeben haben, so sagen wir si der selben stiv´r von disem jar mit disem brief von vns vnd dem rieh quit ledig vnd loz. Mit vrchund ditz briefs versigelt mit vnserm kunchlichen insigel. Der geben ist ze Prag, an dinstag nach Letare, nach Cristus geburt driv´zehenhundert vnd im eynen vnd funfzigsten jar, im funften jar vnserer riche.

Source Fulltext: Chartularium Sangallense VII, Nr. 4211, S. 123.