Wir Herman von gottes vnd des stůls genâden ze Rôme besta^eter abt vnd der conuent gemainlich des gotzhûs ze sant Gallen sant Benedicten ordens in Costentzer || bistům tu^egint kund vnd veriehent offenlich an disem brief fúr v´ns vnd fúr alle v´nser nachkomen allen den, die disen brief ansehent, lesent oder ho^erent lesen, das wir mit ge||mainem wolbedahtem rat v´nsers cappittels vnd mit herr Jacobs des Nanden v´nsers besta^eten lútpriesters ze Wil gůten willen vnd gunst durch got vnd durch aller gelobiger || selen willen ain tagmesse eweklich ze Wil in v´nser stat vff sant Katherinen altâr in sant Nicolaus kilchen gestiftet geordenot vnd besta^etet haben mit so^elichem rehten vnd gesetzten, was v´ntz her an die selben pfrůnd vnd tagmesse geben ist ald hienach iemer daran geben wirt, es si ligendes oder varndes gůt, das ôch das eweklich daran beliben sol ân alle sumsa^eli vnd bekrenknust v´nser vnd aller v´nser nachkomen. Wa^er ôch, das ieman dehain gůt, das von v´nserm vorgenemten gotzhus lêhen ist, an die selben tagmesse geben wo^elti alder ab dem selben gůt v´t daran setzen ald geben wo^elti, darzů súllen wir vnd alle v´nser nahkomen v´nsern gůten willen vnd gunst ân widerred vnd ân allen fúrzug geben vnd tůn v´ntz an vier march geltes ân geua^erd. Vnd súllen ôch wir noch kain v´nser nachkomen die selben pfrůnd tagmess noch pfrůnder an den selben gu^etern noch an kainen andren gu^etern, die daran geben sint ald noch geben werdent, in kainen weg noch mit kainen dingen niemer bekúmberren noch bekrenken, damit die pfrůnd vnd tagmesse geswecht werden mug in dehain wis. Wir abt Herman vnd der conuent gemainlich des gotzhus ze sant Gallen da vorgenemt haben ôch mit bedahtem můt willeklich gesworn ieklicher besunder ainen gelerten âid ze den hailgen mit vfgehepter hand vnd binden ôch v´nser nahkomen hierzů mit disem brief, das wir noch kain v´nser nachkomen, er si abt ald pfleger, die vorgeschriben pfrůnd altâr noch tagmess nieman lihen sond won ainem, der priester ist vnd mit sin selbes lip vf der pfrůnd sitze vnd die selben pfrůnd verdiene vnd besing, als der brief wol bewiset, daran geschriben stat, wie ain tagmesser ze Wil die selben pfrůnd vnd tagmess verdienen vnd besingen sol, wir noch kain v´nser nachkomen súllen ôch bi dem selben âid, so wir gesworn haben, die vorgeschriben tagmess noch pfrůnd enkainem lútpriester ze Wil noch sinem helfer lihen, alle die wil er lútpriester ald helfer ze Wil ist. Wir haben ôch fúr v´ns vnd fúr alle v´nser nachkomen gelobt bi dem selben âid, so wir gesworn haben, a^ellú dú ding geding vnd gesetzt, so an disem brief geschriben stand, war ze lassent vnd sta^et ze haltent vnd da wider niemer ze tu^end weder mit worten noch mit werken noch mit kainen andren dingen. Bescha^ech aber, das got wend, das dehain abt alder pfleger v´nsers vorgenemten gotzhus die vorgeschriben pfrůnd vnd tagmess ieman verlihi, der nit priester wa^er, alder ainem, der ze Wil lútpriester ald helfer wa^er, ald das die vorgeschriben pfrůnd vnd tagmess ald ain pfrůnder an dem gůt vnd gúlt, so daran geben ist ald noch geben wirt, in dehainen weg bekrenkt ald bekúmbert wúrd, damit die vorgeschriben pfrůnd vnd tagmesse geswecht wúrdi, so súllen wir vnd v´nser nachkomen an ainen herren, der denne abt ald pfleger ist, werben, das er das widertu^e bi dem âid, so wir gesworn haben, ân geua^erd. Vnd ze offenem warem vrkúnd vnd sta^eter sicherhait aller der ding geding vnd gesetzt, so an disem brief geschriben stand, henken wir abt Herman vnd der conuent gemainlich da vorgenemt fúr v´ns vnd fúr alle v´nser nahkomen v´nser vnd v´nsers conuentes insigel an disen brief. Der geben ist ze sant Gallen, do man zalt von gottes gebúrt drúzehenhundert jar, fúnfzig iar vnd darnach in dem ersten jar, an dem na^ehsten fritag nach sant Vallentis tag.

Source Fulltext: Chartularium Sangallense VII, Nr. 4203, S. 116-117.